2 Samuel 2:4 - Wuj Pa K'ubultzij

⁴ Chrijil chik ile xeupon achiyab' aj Judá, te'uri xki'ul ma David re kkanaj pa ajawinel re i tinimit Judá. Are xkilap che chi are i winaq aj Jabes re i Galaad xemuquw ma Saúl,

2 Samuel 2:4 Referans Kwoze

2 Samuel 5:5

Wuqub' junab' ru' nik'aj xrajawin puwi i tinimit Judá chila Hebrón. Xaq oxlajuj juwinaq (33) junab' xrajawin puwi ronojel i tinimit Israel xaq i Judá are o chila Jerusalén.

2 Samuel 5:3

Keje uri ile chi konojel i rijab' re i jutzob'aj aj Israel, xe'e pa lapanik ru' ma David chila Hebrón, are uri ma David le xu'an jun trat ku' konojel, lik chwach i Ajwal. Are uri i rijab' re i jutzob'aj aj Israel xkijach ma David pu'ab' i Dios re kkanaj pa ajawinel puwi i tinimit Israel.

PRIMER LIBRO DE CR%D3NICAS 11:3

Keje uri ile chi konojel i rijab' re i jutzob'aj ke aj Israel, xe'e pa Hebrón xaq xelapan ru' ma David chi ajawinel, i ma David xu'an jun trat ku' ike chwach i Ajwal. Are uri ike xkiya ma David pa ajawinel puwi i tinimit Israel, chrij pacha xub'ij i Dios che ma Samuel.

1 Samuel 16:13

Te'uri ma Samuel xuk'am pan i b'axo re i lo'laj aceite, lik chkiwach konojel i ratz xuya i patan chuqul a David re ajawinel. Lik che i or le xqaj utewal i Dios puwi a David. Chrijil chik ile, ma Samuel xeu'ijla kanoq te'uri x-e pa Ramá.

2 Samuel 19:42

Are uri konojel aj Judá xkib'ij chke aj Israel: —Yoj oj alal ru' i ajawinel. Xwiri nti usuk' we kmi' taq iwoywal yix che ile, ¿Xatab'a are i ajawinel kojtzuquw yoj xaq xatab'a o jun b'iroxik qak'amom che?

2 Samuel 19:11

Ni'pa i tzij chi kkilap i winaq aj Israel le xretamaj ma David chi ajawinel. Are uri i ma David le xutaq ub'ixkil i tziji che ma Sadoc xaq che ma Abiatar, chi je ajsujul sipon: “Chixlapan yix ku' i je rijab' re jutzob'aj ke aj Judá xaq chitz'onoj chke chi b'uchak je b'aytajnaq chub'ixkil chwe chi kintzalij chub'i chupam i nim laj wachoch;

2 Samuel 5:17

Are xketamaj aj Filistea chi ma David jachtal chik pu'ab' i Dios, pacha ajawinel re i tinimit Israel, are uri konojel aj Filistea xe'ok chutzukuxik ma David; xwiri ma David xretamaj ile, i xpe chupam i ja re tob'al ib'.

2 Samuel 2:11

keje uri ile chi ma David wuqub' junab' ru' nik'aj xu'at tzij puwi i tinimit Judá. I tinimit ipa mer xk'iji wi are i tinimit Hebrón.

2 Samuel 2:7

Wo'or iwonojel yix chikowij ik'ux xaq mixij iwib', tupu xkam ma Saúl chi ajawinel te'eq piwi, xwiri i utzob'ajil ma Judá xinki'ul yin re kinkanaj kan pa ajawinel piwi.”

PRIMER LIBRO DE CR%D3NICAS 12:23

Are kik'iyal achiyab' iri chi lik je yij chu'anik i ch'oj chi xeupon ru' ma David chila pa Hebrón yab'al re pa ajawinel puk'exel ma Saúl, chrij pacha i taqanik chi xu'an i Ajwal:

2 Samuel 21:11

Are xb'ix che ma David wach taq xu'an ati Rizpa, chi qas ti mer rixoqil ma Saúl,

2 Samuel 21:12

are uri ma David le x-ek xaq xumol i ub'aqil ma Saúl xaq ub'aqil uk'ojol chi ma Jonatán. Chi o te'eq pki'ab' aj Jabes, chi je o pa tinimit Galaad. I b'aq le xkel-aj chila pa k'ijib'al ipa kkimol wi kib' i winaq re i tinimit chi Bet-sán ub'i, are xtzayb'ax kan chila kumal aj Filistea che i ij are xkikamsaj ma Saúl chila Gilboa.

2 Reyes 11:12

Are uri ma Joiada xresaj li uk'ojol i ajawinel, xukoj i koron xaq xuya jun ilb'al re che re upatan, chrijil chik ukojik aceite puja', te'uri xusaqij chi are ire ajawinel. Are uri konojel i winaq xkipok'pa pki'ab' xaq xesik'in chub'ixkil: “¡Chk'asi ni i ajawinel!”

PRIMER LIBRO DE CR%D3NICAS 10:11

Konojel i winaq je aj pa tinimit Jabes chi ukwenta i Galaad, are xketamaj wach xki'an aj Filistea che ma Saúl,