2 Samuel 18:3 - Wuj Pa K'ubultzij

³ Xwiri i achiyab' chi je yij che i ch'oj xkib'ij che: —Ma'an ile, Nim laj Winaq, man i ajch'oj chqij are ti yoj kkaj qakamsaxik, chke ike nti k-ono we koj-anmajik xaq we kekam nik'aj chqe, ike lik xwi yet kkaj akamsaxik, Nim laj Winaq; man a'ij yet keje pacha i jo'mo' juchiy (10,000) achiyab' chqe yoj. Rumali chi lik utz ke'eloq chi katkanaj kan pa tinimit re kataq b'i jub'an chik achiyab' chi je yij che i ch'oj chqato'ik yoj; xecha.

2 Samuel 18:3 Referans Kwoze

2 Samuel 21:17

Xwiri ma Abisai, chi ralab' ati Sarvia, x-e chuto'ik ma David, xu'an ch'oj ru' aj Filistea xaq xukamsaj. Are uri i je uwinaq ma David le xkib'ij che pub'i i Ajwal chi lik k-e ti chik ku' pa ch'oj, man keje ile kchup ti ukantil aj Israel.

ZACARÍAS 13:7

I Ajwal chi ronojel ktiki che kub'ij: Ch'ich' chi k'ulala o aware, chatwalij chkij i wajyu'ul chij xaq chrij i kintowik! ¡Chakamsaj ajyu'ul chij, i jutzob'aj chij kekicher nu b'ik, i yin kintzalij ni chu'anik k'ax chkij i ral taq chij!

Lamentaciones 4:20

Lik xtzaq prexil i jun chi u'ulum i Ajwal, chi are kuya te'eq quxlab' re qak'aslemal, are i ajawinel chi xqab'ij te'eq chiwe: “Chi lik che umujal kojtotaj wi chkixol i tinimit.”

1 Reyes 22:31

Xwiri i ajawinel aj Siria ub'im chke i aj-atzil chi je kab'lajuj juwinaq (32) achiyab' chi je yij che i ch'oj je aj pa ch'ich', chi lik xwi i ajawinel re i tinimit Israel kki'an ch'oj chrij.

2 Samuel 17:2

Are nti chik ucho'ab' xaq lik kosnaq chik, are uri yin kinchap na, kinxib'ij na xaq konojel i winaq chi je o ru', ke'anmaj na. Xwi i ajawinel kinkamsaj na.

2 Samuel 10:11

Are uri xub'ij che ma Abisai: “I aj Siria we lik mas kkiriq u'anik ch'oj chinwach yin, katpe uri yet chinto'ik; xaq i aj Amón we mas kkiriq u'anik ch'oj chawach yet, kin-e uri yin chato'ik.

1 Samuel 18:7

Are ketijin ixoqib' che i b'ix xaq che i xajoj, are uri konojel ixoqib' xkib'ij i tziji: “Lajujwinaq kamo' (1,000) achiyab' xeukamsaj ma Saúl xwiri a David jo'mo' juchiy (10,000) xeukamsaj.”