2 Samuel 17:2 - Wuj Pa K'ubultzij

² Are nti chik ucho'ab' xaq lik kosnaq chik, are uri yin kinchap na, kinxib'ij na xaq konojel i winaq chi je o ru', ke'anmaj na. Xwi i ajawinel kinkamsaj na.

2 Samuel 17:2 Referans Kwoze

1 Reyes 22:31

Xwiri i ajawinel aj Siria ub'im chke i aj-atzil chi je kab'lajuj juwinaq (32) achiyab' chi je yij che i ch'oj je aj pa ch'ich', chi lik xwi i ajawinel re i tinimit Israel kki'an ch'oj chrij.

2 Samuel 16:14

I ajawinel xaq i winaq chi je rachnimam b'ik lik je kosnaq chik are xe'upon chi raqana Jordán, rumali xe'uxlan chila.

Juan 11:50

Yix kich'ob' taj we mas utz ke'eloq chi xa jun achi kkam pkik'exel konojel i winaq, chwach we kekam konojel i winaq re i tinimit —xcha.

Mateo 26:31

I Jesús xub'ij chke: —Wo'or cha'ab', iwonojel yix kiwo'taj ni ukub'ib'al ik'ux chwe. Weta'am keje ile ke'eloq, man keje iri kub'ij uwuj i Dios chi tz'ib'tal kanoq: “Kkamsax ni ajyu'ul chij”; “te'uri i chij kekicher nu b'ik.” Keje ile tz'ib'tal kanoq.

ZACARÍAS 13:7

I Ajwal chi ronojel ktiki che kub'ij: Ch'ich' chi k'ulala o aware, chatwalij chkij i wajyu'ul chij xaq chrij i kintowik! ¡Chakamsaj ajyu'ul chij, i jutzob'aj chij kekicher nu b'ik, i yin kintzalij ni chu'anik k'ax chkij i ral taq chij!

Mateo 21:38

Xwiri, are xkil i uk'ojol i rajaw ulew, xkib'ij chkiwach: “Are ire le are i rajaw ulew k-on panoq; chqakamsaj; xecha, man keje ile yoj kojkanaj chwach ulewi”; xecha.

Deuteronomio 25:18

chk'un chik'ux chi lik xuxij ti pich' rib' che i Dios are xu'an ch'oj chiwij pa taq b'e, xaq xuriq chwach chi lik ix kosnaq chik, xaq lik nti chik icho'ab', rumali ire xujeq u'anik ch'oj chkij i je teren kanoq chi lik je kosnaq chik.

2 Samuel 17:1

Chrijil chik ile, i ma Ahitofel xub'ij che ma Absalón: —Chaya ni chwe chi kin-ul lajujmo' juchiy (12,000) achiyab' chkixol aj Israel, man lik che i a'ab'i, kinterej b'i chroqtaxik ma David.

NEHEMÍAS 4:5

Makuy ni'pa itzel laj taq anik chi kki'ano xaq makuy kimak chke, man kiyo'yam ni'pa i ketijin chuyijb'axik i tapial chi nim uwach.”