2 Samuel 11:2 - Wuj Pa K'ubultzij

^2-4 Che jun uqajb'al ij, i ma David xwalij b'i chwi uch'at, x-e pa malkatik puwi i nim laj rachoch ire. Are uri xril jun chom laj ixoq chi ktijin chatinem. I ma David xutaq utz'onoxik pachin taq ixoq le, are uri xb'ix che chi are ati Betsabé, chi umi'al ma Eliam, chi xaq rixoqil ma Urías chi aj Het. Ati Betsabé k'a te kujos-ij rib' man xk'is rik'il; are uri ma David xeutaq b'i jub'an achiyab' chuk'amik ati Betsabé, are xuponik, xumin rib' ru', chrijil chik ile, te'uri ixoq le x-e chi rachoch.

2 Samuel 11:2 Referans Kwoze

Mateo 5:28

Xwiri, yin kinb'ij ni usuk' chiwe: We o jun lik kutaqej jun ixoq, man kurayij uwach, xe'el uri puk'ux chi ya xmakun ru'.

Salmos 119:37

Cha'ana chwe chi inb'a'wach kril ti i xaqmanal taq b'iroxik, ¡Chaya ink'aslemal man keje ile kinb'in chupam ab'e!

1 Juan 2:16

Man ronojel i kusujuj uwach i jyub' ta'aj, ru' ti Ta petnaq wi. Ile lik xa re uwach i jyub' ta'aj, i utz ti laj taq rayijb'al re i qach'akul; i rayijb'al re taq i qus kqilo; xaq u'anik nim che qib' xa rumal i b'eyomal.

Hechos 10:9

Chukab' ij, tz'aqat i achiyab' le ketijin che i b'e naqaj chik che i tinimit Jope, are kolo tik'il ij, i ma Pedro xel b'i k'a puwi i ja chi ta'aj uwi, che i lapanik ru' i Dios.

Proverbios 6:25

Xaq marayij taq uwach pak'ux rumal taq uchomalil, mitene kattzaq taq pu'ab' rumal i chom laj ataqexik ku'ano.

Job 31:1

Yin lik arewi inb'im chi kinrayij ti uwach jun ali.

1 Pédro 4:7

Naqaj chik o wi i k'isb'al ij re uwach i jyub' ta'aj. Rumali, chich'ob'o na wach ki'ano xaq chiya ik'ux che i lapanik ru' i Dios.

Proverbios 31:30

I ixoq chi lik kuwiq rib' ile xa kt'oronik, i chomalil xa ksachik. Xwiri ixoq chi kukoj u'ij i Ajwal lik kmajaw che kya' u'ij.

Deuteronomio 22:8

We o jun chiwe yix kuyak jun rachoch k'ak', rajwaxik uri chi kukoj atb'al che ronojel uchi' man keje ile we o taq jun xtzaq loq k-ab'taj ti uri chkij ralk'uwal.

GÉNESIS 3:6

Are uri i ixoq xrilo chi lik chom uwach i che' le re ktijawik, rumali xpe urayixik che man lik ch'umb'al k'uxij re riqb'al no'oj, rumali xuch'up an jun uwach i che' le, xutijo xaq xuya re i rachijil. I achi xaq xutijo pacha xu'an i rixoqil.

Mateo 10:27

Ni'pa i kinb'ij chiwe pa equmal, chipaxsaj uwach yix pa'ij; ni'pa i kinb'ij chiwe ani'al, chixsik'in chub'ixkil chke i winaq puwi taq ja.

JEREMÍAS 19:13

I ja pa taq tinimit Jerusalén, xaq i nimaq taq kachoch i ajawinelab' pa Judá xaq uwi ukale ja ipa ksujux wi pom chke konojel ni'pa i ch'umil chwa taq kaj, xaq kkijam wi i uwa'al uva muqb'am re kisipon chke i jub'an chik dios, lik kekanaj na chi lik je ch'am taj, lik keje pacha i Tofet.”

Proverbios 19:15

I k'ayil kukoj li nim laj waram, i jun chi kuk'ayo lik kutij ni numik.

2 Samuel 4:7

Are xe'ok b'ik, xekiriqa ma Is-boset kotz'ol puwi i ch'at chila puwarb'al, xkesaj b'i ujolom xkik'am b'ik, xe'e che ronojel i b'e chi k-e che i chaqij jyub' Arabá, jun a'ab' xeb'inik.

GÉNESIS 34:2

I a Siquem chi uk'ojol ma Hamor chi aj Jiw ire le are aj-atzil re i tinimit, are xril uwach al Dina xuchap pa cho'ab' rumali xuqajsaj u'ij,

GÉNESIS 6:2

i je rak'al i Dios xkilo chi je chomiq taq altom i kak'al i to' winaq le, rumali xe'ok chu'ulik chkixol konojel i altom le, pachin taq kumaj kiwach chke, xaq xek'uli ku'.

2 Samuel 4:5

I ma Recab xaq i ma Baana chi je uk'ojol ma Rimón chi aj Beerot, xe'e chi rachoch ma Is-boset; are xeuponik lik tij i ij, rumali i ma Is-boset uxlannaq tan jub'i' puwarb'al xaq oknaq li jub'i' uwaram.

1 Samuel 9:25

Are xeutzin li che i wa'im xe'el li pa lo'laj k'ijib'al, xe'e pa tinimit, xkiyijb'a jun uwarb'al a Saúl chila pukale ja,

GÉNESIS 39:6

Rumali ma Potifar le lik nti kub'isoj che ub'itaq re man ronojel xuya pu'ab' a José, ire lik ij ij xwi kb'ison che uwa'im. I a José le lik chom laj ala xaq lik b'irir uch'akul.

Mateo 24:17

Ni'pa je o an puwi i kachoch, meqaj chali chuk'amik ub'itaq ke.

GÉNESIS 12:11

Are okik chik ke pa Egipto, xub'ij che i rixoqil chi ati Sarai: “Yin weta'am chi lik at chom laj ixoq;

Deuteronomio 5:21

Marayij uwach rachoch alok'anij xaq marayij uwach i rixoqil, i uwinaq chi je o pa k'ax rumal ire, ub'oyex, u'axna, lik mijun ub'itaq re alok'anij marayij taq uwach che.

2 Samuel 13:1

I a Absalón chi uk'ojol ma David o jun ranab' chi lik chom laj ali, al Tamar ub'i. Xuk'ulmaj chi a Amnón chi xaq uk'ojol ma David, lik x-e uk'ux che ali le,

2 Samuel 14:27

I ma Absalón le je o oxib' uk'ojol xaq jun umi'al chi al Tamar ub'i, chi lik chom laj ali.

Proverbios 7:8

Are xupon che uxol b'e, i ala le xu'axuj uwach i b'e are xumaj b'i i b'e chi k-e chi rachoch i utz ti laj ixoq le.