2 Samuel 1:6 - Wuj Pa K'ubultzij

⁶ Are uri i achi xub'ij che: —Xeuriqa tan chwach chi yin in o puwi i jyub' Gilboa, are uri xwilo chi ma Saúl to' uk'amom chik ucho'ab' che uche' chi o ch'ich' chutzam, xaq konojel i winaq chi je enaq rij taq kaway xaq ni'pa i ch'ich' re anb'al ch'oj ke i ajch'oj chkij, lik xa jub'i' chik kemajtajik.

2 Samuel 1:6 Referans Kwoze

1 Samuel 28:4

I aj Filistea xkimol kib', te'uri xe'e Sunem, chila xkiyijb'a wi jun kik'ijib'al anb'al ch'oj ku' aj Israel. Xaq i ma Saúl xumol kichi' konojel aj Israel te'uri xe'e Gilboa, chila xkiyijb'a wi jun kik'ijib'al.

Lucas 10:31

Chrijil chik ile xaqte'et jun rajpatan i Dios xik'aw che i b'e le. Are xril i achi chi antal k'ax che, xusol ub'e chwach i xik'awik

2 Samuel 1:21

Mtzaq chik i jab' xaq mitene uxaq k'aj piwi yix jyub' Gilboa, man i jyub' le re i kamik. Chila xya'yax wi kitob'al i achiyab' chi lik ko kiwach. Chila xsach wi uwalch'inik i tob'al rib' ma Saúl.

1 Samuel 6:9

Xwiri chikojo retalil iri: I kareta we k-e pusuk' i tinimit Bet-semes are i Dios uri ke aj Israel chi xuya i nim laj tojpen pqawi man chila o wi utinimit Ire; xwiri we k-e che jun chik b'e, kqetamaj uri chi are ti i Dios xyaw i tojpen xa jun malkatel laj yob'il uri xpe pqawi.

Rut 2:3

Are uri x-e ati Rut pa taq es, i xujeq umolik pich'ol chkij ajmolonel cebada; xwiri xuriq chwach chi xa prulew ma Booz, chi rachalal kan i etz ma Elimelec, ktijin wi chutzukuxik pich'ol.

2 Samuel 1:5

—¿Wach retamaxik xa'an yet che chi xkam ma Saúl xaq i uk'ojol chi ma Jonatán? Keje i tz'onb'enik ile xu'an ma David che i ala chi xeuya'a utzijol wach xk'ulmaxik.

2 Samuel 1:7

Are uri ire le xtzun chrij, xinrilo xaq xinusik'ij. Are uri yin juntir xin-ek,