2 Samuel 1:11 - Wuj Pa K'ubultzij

¹¹ Are uri ma David xaq i achiyab' chi je o ru', xkiraqch'ij ki'u' k'utb'al re kib'is.

2 Samuel 1:11 Referans Kwoze

2 Samuel 13:31

Are uri i ajawinel xwalijik, xuraqch'ij u'u', xuk'aq rib' pulew k'utb'al re ub'is, xaq konojel i je rajpatanib' chi je o chila, keje ile xki'ano chi xkiraqch'ij ki'u'.

2 Samuel 3:31

Chrijil chik ile ma David xuya jun taqanik che ma Joab xaq chke konojel ni'pa je teren chrij ma Joab le: “Chiraqch'ij i u'u xaq chikojo jun chik i'u' chi lik as xaq chixb'ison rumal ukamik ma Abner.” I Ajawinel ma David xterej b'i chkij i je ok'awnaq b'i kamnaq.

GÉNESIS 37:29

Are xupon chik a Rubén chila ipa o wi i k'otom are uri xrilo chi nti chik a José chila chupam i k'otom le, rumali xuraqch'ij u'u' rumal ub'is.

GÉNESIS 37:34

Are uri mam Jacob xuraqch'ij u'u', xaq xukoj jun chik u'u' re b'is xaq k'iyal ij xo' che uk'ojol.

Romanos 12:15

We jun kikotik, chixkikot ru'; we jun ko'ik, xaq chixo' yix ru'.

Hechos 14:14

Xwiri ma Pablo xaq i ma Bernabé are xkinab'ej wach taq xe'ok i winaq chu'anik, ike xkiraqch'ij ki'u' xaq xe'ok b'i chkixol i winaq, kesik'in chub'ixkil i tziji:

JOSUÉ 7:6

Rumal wach xkik'ulmaj le, ma Josué xaq i je aj-atzil ke i aj Israel xkiraqch'ij ki'u', xkikoj uk'aj ulew pkija' k'utb'al re chi je o pa b'is, xexuki'ik xaq xkiqajsaj kipalaj k'a chwach ulew, chwach i lo'laj ukaxa i Ajwal, k'a xqaj b'i ij.

GÉNESIS 44:13

Are uri ike le, xkiraqch'ij ki'u' k'utb'al re kib'is, te'uri chkijujunal xki'ansaj chub'i keqan chrij ki'axna, i xetzalij chub'i pa tinimit.

2 Samuel 13:19

xukoj chaj puja', xuraqch'ij i chom laj u'u' chi ukojom xaq xuya b'i u'ab' puja', lik ksik'in che o'ej x-ek.

SEGUNDO LIBRO DE CR%D3NICAS 34:27

man xaya ak'ux chwe are xata wach xinsaqij chrij i k'ijib'ali xaq chke uwinaq; rumal xa'an pich' che a'ij, xaraqch'ij a'u' xaq lik xato' chinwach; Yin xinta wach xatz'onoj chwe. Yin in Ajwal kinb'iw iri chawe.

Esdras 9:3

Are xinta i tzijonik le, xinraqch'ij in-u', xinmich' inwi xaq wismachi' k'utb'al re inb'is xaq ru' jun k'ax che i wanima, xinkub'ik.

Ester 4:1

I ma Mardoqueo are xretamaj ronojel ni'pa ktijin uk'ulmaxik, xuraqch'ij u'u' k'utb'al re chi o pa b'is, xukoj u'u as, xukoj chaj puwi ujolom, xaq ru' jun nim laj b'is puk'ux, xujeq sik'inik pa taq b'e.

JEREMÍAS 36:24

Mitene i ajawinel xaq i nimaq taq ajpatanib' chi xkita ronojel ni'pa kub'ij i b'orom tz'um le, xkixij ti kib' xaq xkik'ut taj we o taq jun k'ax pkik'ux.

Joel 2:13

¡Chixtzalij chik yix ru' i Ajwal chi i-Dios, chiraqch'ij iwanima puk'exel uraqch'ixik i'u'! Man i Ajwal lik rutzil k'uxij xaq lik tob'al wachij, al uk'ux xaq lik o k'axnab'al k'uxij ru', chi xaq lik arewi kuresaj i tojb'alil pqawi.

2 Reyes 5:7

I ajawinel are xrajlaj uwach i wuj, xuraqch'ij u'u', rumal wach taq kub'ij i wuj le, rumali xub'ij: —¿Xatab'a in Dios taq wa yin man o pin-ab' kinya k'aslemal xaq o pin-ab' kwesaj k'aslemal, man i ajawinel le kutaq li jun winaq chwe re kinkunaj i yob'il che utz'umalil? ¡Chikojo pe retalil, chi ire le xa to' ktijin chutzukuxik ch'oj chwij! —Xcha.