2 Reyes 1:9 - Wuj Pa K'ubultzij

⁹ Rumali xutaq la b'i jun aj-atzil ke i achiyab' chi je yij che i ch'oj chuk'amik, xaq ku' jub'an chik lajuj kawinaq (50) achiyab' chi xaq je yij che i ch'oj. Are xeuponik, i ma Elías kul puwi jun jyub'. Are uri i aj-atzil ke achiyab' chi je yij che i ch'oj le, xub'ij che ma Elías: —¡Yet chi at profeta, i ajawinel kub'ij chi chatqaj loq!

2 Reyes 1:9 Referans Kwoze

Hebreos 11:36

O jub'an chik xkich'ijo xeyo'yaxik, xaq xkich'ijo are xya' kilo'xik; xaq xwi ta la ile, xaq xkich'ijo chi xexim ru' karena, xaq xetz'apix prexil.

Marcos 15:32

We qatzij are i Cristo chi Ajawinel ke aj judío, chuqajsaj li rib' uri chwach i krus, man keje ile kqilo xaq kqakoj uri chi are ire Cristo —xecha. Xaq i keb' ili'omab' chi je riptal chwach i krus xkiyo'ya pan i Jesús.

Marcos 15:29

Konojel i winaq chi keik'aw chila lik kkib'ij utz ti laj taq tzij che i Jesús, xkisutsa kijolom, xaq xkib'ij che: —Yet chi ab'im kawulijsaj i rachoch i Dios, xwiri churox ij kayak jun chik k'ak',

Mateo 27:29

Te'uri xkikoj jun koron k'ix che ujolom, xaq xkiya jun che' pu'ab' wiqab'im. Te'uri xexuki chwach, xaq xe'ok chuyo'yaxik; xkib'ij che: —¡Chk'asi ni i ajawinel ke i aj Judío! Xecha

Mateo 26:68

xaq xkib'ij che: —Yet chi at Cristo, “chab'ij ut chqe pachin xatch'ayawik” xecha che.

Mateo 14:3

I ma Herodes le xutaq uchapik i ma Wan, xkiximo xaq xkik'am b'i prexil. Keje xu'an ire ile rumal ati Herodías chi rixoqil i ma Felipe, i ma Felipe le katz kicha' kib' ru' ma Herodes.

AMÓS 7:12

Te'uri, ma Amasías xuya i taqaniki che ma Amós: —¡Chatel b'i waral, profeta! We kawaj kach'ak ak'aslemal rumal ub'ixkil utzij i Dios, jat pa Judá;

1 Reyes 22:8

Are uri i ajawinel ke aj Israel xub'ij che ma Josafat: —O jun chik, chi utz kqata che wach kub'ij i Ajwal. Ma Micaías ub'i, chi uk'ojol ma Imla; xwiri yin ktitat inpam che man lik arewi nti jun utz ub'im chwe, xwi i utz taj kub'ij chwe. Xwiri ma Josafat xub'ij che: —Mab'ij ile, Nim laj Winaq.

1 Reyes 19:2

Are uri ati Jezabel xutaq b'i jun ajb'il tzij chub'ixkil che ma Elías: “¡We yet at ma Elías, yin in ati Jezabel!” Chkiya ni utojb'alil i jalajuj taq tiox chwe, we chweq lik che taq i ori in-anom ti chawe yet, pacha xa'an chke je profeta re ukojik u'ij i tiox Baal.

1 Reyes 18:42

Are uri ma Acab x-e chutijawik uwa xaq chutu'ik uya'. Xwiri ma Elías xel b'i k'a puwi i jyub' Carmelo, xxuki chwach ulew xuqajsaj upalaj k'a chuxol uch'ek.

1 Reyes 18:10

Lik pub'i i Awajwal Dios kinb'ij, chi lik nti jun tinimit xaq jun k'ijib'al we i ajawinel utaqom ti atzukuxik; are kkib'ij chi at nti chila, i ajawinel lik ku'an chke chi kkib'ij pub'i i Dios we lik saq laj tzij xatkiriq taj.

1 Reyes 18:4

Xuk'ulmaj, are chi ati Jezabel xujeq kikamsaxik i profeta, are uri ma Abdías le xumol kichi' jo'winaq (100) profeta, xaq xeruwaj chupam keb' pek, xu'on keb' tzob'aj chke, lajuj kawinaq (50) xeuya chupam jun pek, i lajuj kawinaq (50) chik chupam jun chik, xaq xuya kiwa xaq kiya'.

Lucas 9:54

I utijoxelab', chi ma Jacobo i ma Wan, are xkil ile, xkib'ij che i Jesús: —¿Ajwal, chaya ni chqe chi kqatz'onoj chi kqaj na li a' aj chikaj porb'al ke i winaq le? ¿Kqa'an na pacha xu'an i mam Elías ujer? —Xkib'ij.

JEREMÍAS 35:4

Te'uri xeink'am b'i prachoch i Dios, chupam i jun upam ja ke i rak'al i ma Hanán chi uk'ojol ma Igdalías, chi are jun achi re i Dios. I upam ja le o chila putzal ke i aj-atzil re i rachoch i Dios xaq rajsik i upam ja re i ma Maasías, chi uk'ojol ma Salum, chi are i ajchajinel re uchija re i rachoch i Dios.

1 Samuel 19:21

Are xretamaj ma Saúl wach xkik'ulmaj achiyab' chi je utaqom b'ik, are uri xeutaq chub'i jub'an chik; xaq keje ike xmajaj chik kijolom rumal Utewal i Dios. Are uri xeutaq chub'i jub'an chik achiyab' churoxmul, xaq lik keje xkik'ulmaj chik ile.

1 Reyes 17:18

Are uri ati malkan xub'ij che ma Elías: —¿Wach taq we yin che ak'aslemal yet achi chi at rajchak i Dios? ¿Xatab'a xatk'un wu' chukuxtaxik inmak chwe xaq chukamsaxik wak'al?

2 Reyes 2:25

Chrijil chik ile, i ma Eliseo x-e puwi i jyub' Carmelo, are xel chila, xtzalij chub'i pa tinimit Samaria.

2 Reyes 4:25

Keje uri ile chi xeupon k'a chila puwi i jyub' chi Carmelo ub'i, chila ipa o wi i profeta. I ma Eliseo are xril chinaj chi ktijin ruponik i ixoq aj Sunem, are uri xub'ij che ma Giezi, chi utaqon: Chawila pe', xk'un ixoq aj Sunem le.