1 Samuel 9:16 - Wuj Pa K'ubultzij

¹⁶ “Chweq pacha u'onom ori, kintaq li jun achi awu' chi kpe putinimit ma Benjamín. I achi le kajach ni pin-ab' man kkanaj na ajawinel puwi intinimit Israel. I ajawinel le keresaj ni intinimit pki'ab' aj Filistea, man intinimit kikojom uch'ojil chwe, rumali Yin kwil ni tob'al kiwach.”

1 Samuel 9:16 Referans Kwoze

1 Samuel 10:1

Are uri ma Samuel xuk'am pan jun b'axo chi o aceite chupam, xujam puja' a Saúl, xutz'ub'aj te'uri xub'ij che: —I Ajwal katuya yet pa ajawinel puwi Israel chi utinimit. Yet ka'at ni tzij puwi xaq keato ni pki'ab' i ajch'oj chi je o chrij chwach. Iri are ni ilb'al re chi Ajwal xatuya pa ajawinel puwi utinimit:

Salmos 106:44

Xwiri i Dios are xerilo chi je o pa k'ax, xaq are xuta kisik'inik,

Salmos 25:18

Chawila ni'pa inb'is xaq ni'pa inchak; xaq chakuyu ronojel inmak chwe.

1 Samuel 15:1

Xuk'ulmaj jun ij ma Samuel xub'ij che ma Saúl: —I Ajwal xinutaq loq man katinkanaj pa ajawinel puwi utinimit Israel. Rumali chata wach kraj ub'ixkil i Ajwal chawe.

1 Samuel 16:3

Chrijil chik ile, chab'ij che ma Isaí chi chupon awu' are kaporoj asipon chinwach, Yin kinb'ij ni chawe wach i ka'ano xaq kinb'ij ni chawe pachin kaya kan pa ajawinel.

1 Samuel 16:1

I Ajwal xub'ij che ma Samuel: —¿K'a junpa kamayij ile chi katb'ison che ma Saúl? Yin lik kwaj ti chik chi ire le ajawinel pa tinimit Israel. Jat, chanojsaj i rok'a' chij che i aceite man kwaj chi kat-e chi rachoch ma Isaí chi aj Belén, man in-ulum chik jun chke i rak'al chi kkanaj kan pa ajawinel.

2 Samuel 3:18

Lik xuriq i or uri chi k-anik chrij pacha i rajwaxik, man i Ajwal lik ub'im che ma David, chi rajchak, chi rumal ire ketotaj ni aj Israel pki'ab' aj Filistea xaq pki'ab' konojel ajch'oj chkij.”

2 Reyes 20:5

“Chattzalij chub'i ru' ma Ezequías, chi aj-atzil re intinimit, chab'ij che: Keje iri kub'ij i Ajwal, chi u-Dios etz amam ma David: Yin xinta wach xatz'onoj xaq wilom uwa'al awach. Katinkunaj, puxib' ij panoq kat-e prachoch i Ajwal.

Salmos 102:1

Ajwal, chata intz'onb'enik, ¡Chaya ni che intz'onb'enik chi kupon chawach!

JEREMÍAS 32:8

Lik pacha xub'ij i Ajwal chwe, keje ile x-antajik, man i ma Hanameel chi rak'al i wikan, xk'un wu' chwaja ipa je o wi i chajinelab', xaq xub'ij chwe chi kinlo' i ulew le che chi o pa Anatot, chi ukwenta utzob'ajil ma Benjamín; yin lik o we che i ulew le man lik je wachalal. Are xinnab'ej chi ile utaqanik i Ajwal,

1 Samuel 14:20

Are uri ma Saúl xkimol kib' ku' uwinaq chi je yij che i ch'oj, xe'e chu'anik ch'oj chkij aj Filistea. I aj Filistea lik sachnaq chik kinojb'al rumali xa chkiwach chik ike xe'ok chukamsaxik kib'.

1 Samuel 14:23

I ch'oj le xupon k'a che i Bet-avén, che i ij le i Ajwal xeuto aj Israel.

Proverbios 16:9

I achi kuch'ob'o wach ku'ano, xwiri are i Ajwal ktow chu'anik.