1 Samuel 8:12 - Wuj Pa K'ubultzij

¹² Jub'an chik ku'an ni chke chi keuya pa kaj-atzil i lajujwinaq kamo' (1,000) achiyab' chi je yij che i ch'oj, jub'an chik ku'an ni chke chi keuya pa kaj-atzil lajuj kawinaq (50) achiyab' chi je yij che i ch'oj. Jujun chiwe yix kixutaq ni chutukik uwach rulew xaq kimol uwach utikon; jub'an chik keutaq ni chu'anik i jalajuj taq anb'al ch'oj xaq i jalajuj taq anb'al ch'oj chi kok che i ch'ich' re b'inb'al.

1 Samuel 8:12 Referans Kwoze

1 Reyes 4:7

Ma Salomón xeukoj kab'lajuj ajtaqanel pkiwi konojel aj Israel; i kichak ike le are utzukuxik ronojel ni'pa i rajwaxik che i ajawinel xaq chke i ralk'uwal, chkijujunal jun ik' taq ke che jun junab' chi kkiya che i ajawinel ni'pa i rajwaxik.

1 Samuel 22:7

are uri xub'ij chke i rajpatanib' chi je o chrij chwach: —Achiyab' chi ix utzob'ajil ma Benjamín, chinita na: ¿Xatab'a kikoj yix ile chi uk'ojol ma Isaí kuya iwulew iwonojel xaq i tikb'al uva, xaq kib'ij taq yix ile chi kixuya pa atz laj aj-ok'al utzam i kaj-atzil i achiyab' chi je yij che i ch'oj?

NÚMEROS 31:14

Xwiri ma Moisés lik xpe roywal chke i aj-atzil ke i lajujwinaq kamo' (1,000) xaq chke i aj-atzil ke i jo'winaq (100) chi xeupon pa ch'oj.

1 Samuel 8:13

Xaq keuk'am nu b'i imi'al chu'anik uchak re anoj jalajuj taq kunb'al muy, aj-anol jalajuj taq ti'b'alil xaq chu'anik i jalajuj taq kaxlanwa.