1 Samuel 8:11 - Wuj Pa K'ubultzij

¹¹ —I ajawinel chi ku'at ni tzij piwi, kutz'onoj ni iri chiwe: Keusik'ij ni konojel iwak'al chi ke'e ni ku' achiyab' chi je yij che i ch'oj; ku'an ni chke jujun chi kkiyin ni ch'ich' chi kkikoj i aj-anol ch'oj, jub'an chik ku'an ni chke chi ke'an b'i chkij i kaway chu'anik ch'oj, jub'an chik ku'an chke chi kkichajij ire.

1 Samuel 8:11 Referans Kwoze

1 Samuel 14:52

I ma Saúl che ronojel uk'aslemal lik xutij uyej chu'anik ch'oj ku' aj Filistea; rumali chi ma Saúl le arewi keuyijb'a uwinaq chi je yij che i ch'oj chi lik o kicho'ab' chi xaq lik ko kiwach.

1 Samuel 10:25

Are uri ma Samuel xusaqij u'atb'al tzij i ajawinel chke i winaq, xaq xutz'ib'aj chupam jun wuj te'uri xuk'ol chila pa lo'laj k'ijib'al. Chrijil chik ronojel ile, ma Samuel xeutaq b'i i winaq chi kachoch.

2 Samuel 15:1

Chrijil chik ronojel ile, i ma Absalón xuriq jun ch'ich' re anb'al ch'oj xaq jub'an kaway; xaq xukoj lajuj kawinaq achiyab' chi kechajiwik.

1 Reyes 10:26

Ma Salomón xumol uchi' ronojel i ch'ich' re anb'al ch'oj xaq konojel i winaq ajrij taq kaway. Lajujwinaq oxmo' (1,400) ch'ich' re anb'al ch'oj o ru', xaq lajujmo' juchiy (12,000) winaq ajrij taq kaway. Te'uri xeuk'am b'i chila ipa o wi kik'ijib'al ch'ich' re anb'al ch'oj, xaq ku' ajchajal re i ajawinel chila pa Jerusalén.

1 Reyes 18:46

I ma Elías xya' ucho'ab' rumal i Ajwal, xuyijb'a rib' te'uri x-e pa'anem pa tinimit Jezreel, xaq lik nab'e ne xupon ire chwach i ma Acab.

1 Reyes 12:10

I alab'om le chi je rach k'iyik, xkib'ij che: —I winaq le chi xkitz'onoj chawe chi ka'ob'saj i k'ax laj taq chak chi xya' kan chke rumal aqajaw, chab'ij iri chke: “We inqajaw xuya i k'ax laj taq chak chiwe, yin lik mas k'ax ne tan chiki kinya chiwe wo'or.

1 Reyes 12:4

—Aqajaw, chi ma Salomón, lik k'ax laj taq chak xuya chqe yoj, wo'or kqatz'onoj chawe yet, chi chawesaj i k'ax laj taq chak le chqe, man keje ile lik kqa'an ni achak.

1 Reyes 1:5

Xwiri ma Adonías, chi uk'ojol mam David ru' ati Haguit, xuyak rib' pa ch'oj, xub'ij chi lik are ire kkanaj kan pa ajawinel, are uri x-e chuk'amik jalajuj taq ch'ich' re i ch'oj, achiyab' ajrij taq kaway xaq lajuj kawinaq (50) achiyab' chi je yij che i ch'oj re kechajiw re.

1 Samuel 8:9

Cha'ana uri pacha kkitz'onoj ike chawe, xwiri lik chasaqij chke ronojel wach upatan jun ajawinel pkiwi.” Keje ile xub'ij i Ajwal che ma Samuel.

1 Reyes 14:27

Are uri i ma Roboam chi ajawinel, xu'an chik uk'exel i tob'al ib' re i ch'oj ru' i anch'ich', xuya kan pki'ab' i aj-atzil chke i ajchajinel chi kkichajij i okb'al che i nim laj rachoch i ajawinel.

1 Samuel 22:7

are uri xub'ij chke i rajpatanib' chi je o chrij chwach: —Achiyab' chi ix utzob'ajil ma Benjamín, chinita na: ¿Xatab'a kikoj yix ile chi uk'ojol ma Isaí kuya iwulew iwonojel xaq i tikb'al uva, xaq kib'ij taq yix ile chi kixuya pa atz laj aj-ok'al utzam i kaj-atzil i achiyab' chi je yij che i ch'oj?