1 Samuel 5:12 - Wuj Pa K'ubultzij

¹² I kisik'inik i winaq re i tinimit kupon k'a chikaj rumal uk'axk'ol, man lik chaqchik sipoj che i kich'akul konojel i je kamnaq taj.

1 Samuel 5:12 Referans Kwoze

ÉXODO 12:30

Konojel aj Egipto xewalij che a'ab' le, xwalij ma faraón xaq xewalij i rajpatan; konojel xe'o'ik xaq lik xesik'in rumal uk'axk'ol, man lik nti jun ja we nti kamnaq chupam.

AMÓS 5:19

Kuk'ulmaj che i ij le pacha are k-anmaj jun winaq chwach jun koj i kuk'ulaj chwach jun yum, xaq keje jun are kok prachoch, ku'ayb'a rib' chwach xan, i kraxix rumal jun kumatz.

JEREMÍAS 48:3

Pa Horonaim ktataj ni i sik': “¡Uyej xaq i sachsanik!”

JEREMÍAS 25:34

¡Chixsik'inoq, ix, ajyu'ul chij, chixsik'in rumal uk'axk'ol! ¡Yix, chi je iwok'am i chij, chib'alk'atij iwib' pa taq ulew! Man ya xuriq i ij re i kamsanik, xaq yix kixkamsax na pacha kikamsaxik i ti'ojib' chij.

JEREMÍAS 14:2

Ix aj Judá chixo' rumal ib'is, man i tinimit lik o puyej, i winaq lik je jab'ernaq chik pa taq ulew. Ix aj Jerusalén chixsik'in ni rumal uk'axk'ol.

1 Reyes 19:17

Man keje ile, pachin jun ktiki ti ma Hazael chukamsaxik, ktiki ma Jehú che, xaq pachin jun ktiki ti ma Jehú chukamsaxik, ktiki uri ma Eliseo che.

1 Samuel 9:16

“Chweq pacha u'onom ori, kintaq li jun achi awu' chi kpe putinimit ma Benjamín. I achi le kajach ni pin-ab' man kkanaj na ajawinel puwi intinimit Israel. I ajawinel le keresaj ni intinimit pki'ab' aj Filistea, man intinimit kikojom uch'ojil chwe, rumali Yin kwil ni tob'al kiwach.”

1 Samuel 6:1

I lo'laj kaxa re ki-Dios aj Israel wuqub' ik' xk'iji chila ku' aj Filistea.