1 Samuel 5:10 - Wuj Pa K'ubultzij

¹⁰ Are uri i aj Filistea xkik'am b'i lo'laj ukaxa i Dios chila pa Ecrón, xwiri i winaq aj Ecrón le xesik'in rumal kixib'rikil xkib'ij: “¡Xkik'am li kaxa re ki-Dios aj Israel qu' kamsab'al qe qonojel!” Xecha.

1 Samuel 5:10 Referans Kwoze

AMÓS 1:8

Kinsach ni uwach i krajawin pa Asdod xaq i krajawin pa Ascalón. ¡Ru' ronojel incho'ab' kink'aq wib' chrij i Ecrón, i lik k'a kkam ni k'isb'al aj Filistea!” Are i Ajwal kb'iwik.

2 Reyes 1:2

I ma Ocozías xtzaq li che i kale ja che jun wantana che i nim laj rachoch chila pa tinimit Samaria, lik k'ax xu'ano. Are uri xeutaq b'i jub'an ajb'il tzij chu'anik i tz'onb'enik che i tiox Baal-zebub, chi ki-dios aj Ecrón, man kraj kretamaj we k'a kutzirik.

Jueces 1:18

Xaq utzob'ajil ma Judá xetiki ti chuk'amik i tinimit Gaza junam ru' ronojel ukomon, tinimit Ascalón junam ru' ronojel ukomon xaq i tinimit Ecrón junam ru' ronojel ukomon.

JOSUÉ 15:45

Ecrón rachi'ilam ral taq tinimit xaq ukomon chi o chrij chwach;

JOSUÉ 13:3

chi kupon uchi' k'a chi raqana Sihor chi o prelb'al ij che i Egipto, uponnaq k'a chuchi' kulew je aj Ecrón chila pa moxab', chi kulew aj Canaán kb'ixik; chwach ulew le je o jo'ob' ajawinelab' ke je aj Filistea: Ajawinelab' ke je aj Gaza, ajawinel ke je aj Asdod, ajawinel ke je aj Ascalón, ajawinel ke je aj Gat xaq aj ajawinel ke je aj Ecrón. Xaq k'amaja kamaj kan kulew je aj Ava,

1 Samuel 5:9

Xwiri are kiya'om chik i kaxa pa Gat, i Ajwal xupetsaj jun nim laj xib'rikil pkiwi i winaq chila pa tinimit Gat le, lik xupetsaj jub'an sipoj che kich'akul konojel che nimaq che ch'utiq.

1 Samuel 5:11

Rumali konojel i winaq aj Ecrón lik xpe jun nim laj xib'rikil chke, man kkina ike kekam rumal i nim laj tojpen chi xuya li Dios pkiwi, rumali xkitaq kisik'ixik konojel i kaj-atzil ke aj Filistea xkib'ij chke: “Chik'ama b'i lo'laj ukaxa i ki-Dios aj Israel chila ipa xik'am wi loq, man keje ile kojukamsaj ti uri qonojel.”

2 Samuel 7:9

Lik xatwachnimaj xaipa xat-e wi, xinchup kiwach konojel i je awajch'oj chi xki'an ch'oj awu', xaq lik inya'om a'ij pacha i winaq chi o ki'ij chi chwach i jyub' ta'aji.

JOSUÉ 15:11

Te'uri k-e pa moxab' che uwa jyub' Ecrón, xaq kupek'ij chub'i pa Sicrón, kik'aw che i jyub' Baala, ke'el k'a pa Jabneel, kek'is uchi' ulew le k'a chuchi' i mar Mediterráneo.

1 Samuel 6:1

I lo'laj kaxa re ki-Dios aj Israel wuqub' ik' xk'iji chila ku' aj Filistea.

1 Samuel 17:52

Are uri konojel achiyab' aj Israel xaq i achiyab' aj Judá kesik'inik xekiterb'ej b'ik k'a pa okb'al re i tinimit Gat, xaq k'a pa okb'al re i tinimit Ecrón. Che ronojel i b'e chi kel b'i pa tinimit Saaraim kupon k'a pa tinimit Gat xaq i Ecrón, lik je jab'ernaq chik kich'akul achiyab' aj Filistea chi je yij che i ch'oj.

AMÓS 6:2

Jix pa Calne i chiwila ut; te'uri kixik'aw pa nim laj Hamat, xaq chixik'aw pa tinimit Gat ke aj Filistea. ¿Xatab'a lik mas ix utz yix chkiwach taq i tinimit le? ¿Mas utz nawi itinimit chwach i ke ike?