1 Samuel 5:1 - Wuj Pa K'ubultzij

¹ I aj Filistea are xetiki chumajik b'i kaxa re utrat i Ajwal, xkesaj b'i chila pa Eben-ezer, xkik'am b'i pa Asdod.

1 Samuel 5:1 Referans Kwoze

1 Samuel 7:12

Are uri ma Samuel xukoj jun ab'aj chuxol i tinimit Mizpa xaq i tinimit Sen, xuya pub'i i ab'aj le Eben-ezer, man ma Samuel xub'ij: “I Ajwal arewi oj utom.”

1 Samuel 4:1

A Samuel kub'ij chke aj Israel ronojel ni'pa kb'ix che rumal i Dios. Che taq i ij le xkimol kib' aj Filistea chu'anik ch'oj chkij aj Israel, rumali aj Israel xkitak'b'a kib' chu'anik ch'oj chkiwach aj Filistea xek'iji chila pa Eben-ezer xaq aj Filistea xek'iji chila pa Afec.

JOSUÉ 13:3

chi kupon uchi' k'a chi raqana Sihor chi o prelb'al ij che i Egipto, uponnaq k'a chuchi' kulew je aj Ecrón chila pa moxab', chi kulew aj Canaán kb'ixik; chwach ulew le je o jo'ob' ajawinelab' ke je aj Filistea: Ajawinelab' ke je aj Gaza, ajawinel ke je aj Asdod, ajawinel ke je aj Ascalón, ajawinel ke je aj Gat xaq aj ajawinel ke je aj Ecrón. Xaq k'amaja kamaj kan kulew je aj Ava,

Hechos 8:40

I ma Felipe xe'el k'a pa tinimit Azoto. Are uri xupaxsaj utzij i Dios pa taq tinimit ipa xik'aw wi, k'a xupon pa tinimit Cesarea.

1 Samuel 4:11

Are uri i aj Filistea xkimaj li kaxa re utrat i Ajwal chke aj Israel xaq xkikamsaj ma Ofni xaq ma Finees chi je uk'ojol ma Elí.

JOSUÉ 11:22

Mijun chke i je aj Anab xk'asi kan chwach kulew i je aj Israel; xwi xekanaj kan i je umuq uxikin ma Anac chi lik naj kij chi je o pa Gaza, je o pa Gat, xaq i je o pa Asdod.

Salmos 78:61

I Dios xuya chke ajch'oj chkij chi xkik'am b'i u'ij xaq ucho'ab'.

ISAÍAS 20:1

O julaj i ajawinel re i tinimit Asiria chi ma Sargón xutaq b'i jun nim laj ajpatan pa tinimit Asdod, i nim laj ajpatan le x-e chu'anik ch'oj chrij i tinimit le xaq xtiki chuch'akik.

AMÓS 3:9

Chiwesaj ub'ixkil yix pa nimaq taq ja ke i ajawinelab' re i Asdod xaq i pa nimaq taq ja ke i ajawinelab' re i Egipto: “Chixpet chwi taq jyub' re i Samaria; chiwila i xaqmanal chi ktijin u'anik chupam i tinimit le xaq i kamik chi ktijin u'anik chila.”

1 Samuel 6:1

I lo'laj kaxa re ki-Dios aj Israel wuqub' ik' xk'iji chila ku' aj Filistea.