1 Samuel 4:2 - Wuj Pa K'ubultzij

² Kelik chila pa Afec le, xe'e chkij aj Israel che i ch'oj, i aj Filistea le xekich'ak aj Israel, xekikamsaj lajujmo' (4,000) achiyab' chila ipa xki'an wi ch'oj.

1 Samuel 4:2 Referans Kwoze

Lamentaciones 3:40

Lik chojch'ob'on chrij u'anik i utz pqak'aslemal, xaq lik chojtzalij chub'i ru' i Ajwal.

1 Samuel 17:21

I aj Israel xaq i aj Filistea xkitus kib' xaq kkitzub'ala kib' chkiwach je ajch'oj.

1 Samuel 17:8

Are uri xtak'i ma Goliat, xub'ij chke achiyab' chi je yij che i ch'oj aj Israel: —¿B'uchak chi ix petnaq chu'anik ch'oj? In aj Filistea tab'a wa yin, xaq yix kixtijin chu'anik ipatan chrij ma Saúl, chi'ulu jun chixol man kpe chu'anik ch'oj wu'.

JOSUÉ 7:12

Rumali ketiki ti chkich'akik i ajch'oj chkij, xa ke'anmaj chkiwach; are ike kitukel xkitzukuj usachik kiwach. Yin kink'iji ti chik iwu' we kichup ti uwach ile chi iya'om chixol.

1 Samuel 4:1

A Samuel kub'ij chke aj Israel ronojel ni'pa kb'ix che rumal i Dios. Che taq i ij le xkimol kib' aj Filistea chu'anik ch'oj chkij aj Israel, rumali aj Israel xkitak'b'a kib' chu'anik ch'oj chkiwach aj Filistea xek'iji chila pa Eben-ezer xaq aj Filistea xek'iji chila pa Afec.

1 Samuel 4:3

I aj Israel chi je yij che i ch'oj, are xetzalij chub'i che i k'ijib'al ipa je o wi te'eq, are uri i kinimaqil xkib'ij: “¿B'uchak chi Ajwal xuya chke aj Filistea chi xojkich'ak wo'or? Rumali chi aj Israel le xkib'ij chkiwach: Jo' pa tinimit Silo chuk'amik i lo'laj kaxa re i Ajwal man keje ile Ire kk'iji ni chqaxol xaq kojuto pki'ab' i ajch'oj chqij.”

1 Samuel 4:10

Are uri aj Filistea xki'an ch'oj ku' aj Israel xaq xekich'ako, xe'anmaj aj Israel le, xe'e k'a pkik'ijib'al. Lik je k'i xekamik man je jo'lajujmo' oxchiy (30,000) achiyab' xekam chke aj Israel chi je yij che i ch'oj.

LEVÍTICO 26:37

Kixa' ni iwib' chiwach pacha taq kix-anmaj chwach jun nim laj ch'oj tupu nti jun kix-oqtawik; mijun chiwe yix kutak'b'a rib' chkiwach je ajch'oj chiwij.

NÚMEROS 14:45

Are uri xe'el li aj Amalec xaq aj Canaán chi je jeqel chila chwi jyub', xe'e chkij aj Israel xetiki chke k'a pa Horma lik xki'an k'ax chke.