1 Samuel 4:18 - Wuj Pa K'ubultzij

¹⁸ I ma Elí, are xuta chi xmaj b'i i kaxa re utrat i Ajwal, are uri xpak'krij b'i xol uchija chutzal uxila, ire le lik rij chik xaq lik al chik uch'akul, rumali chi xpatz'taj uqul xaq xkamik. I ma Elí le kawinaq (40) junab' xu'at tzij pkiwi aj Israel.

1 Samuel 4:18 Referans Kwoze

Salmos 69:9

“Rumal i nim laj k'axnab'al ink'ux che awachoch kinkam rumal i woywal;” lik pinwi yin tzaqnaq wi i yo'yanik chi kki'an i winaq chawe.

Salmos 42:10

Xaq lik je k'ax ne inb'aqil rumal i yo'yanik chi kki'an i je ajch'oj chwij, man ronojel ij kkitz'onoj chwe: “¿Ipa o wi a-Dios?”

Salmos 42:3

I uwa'al inwach are chik inwa chipa'ij chicha'ab', tz'aqat ronojel ij kkitz'onoj chwe: “¿Ipa o wi a-Dios?”

Salmos 26:8

Ajwal, yin k'ax kinna awachoch ipa at jeqel wi, xaq k'ax kinna i k'ijib'al ipa jeqel wi a'ij achomal.

1 Samuel 4:13

Are xupon achi le, ma Elí kul chupam jun xila chila pa okb'al b'ik che i tinimit, kuchajij i b'e, man kb'ison che i kaxa re utrat i Ajwal. I achi le xok b'i pa tinimit xaq xok chub'ixkil wach xk'ulmaxik, are uri konojel i winaq xe'ok chisik'inik.

LEVÍTICO 10:3

Are uri ma Moisés xub'ij che ma Aarón: —Keje xraj ub'ixkil i Dios iri are xub'ij: Ni'pa ketejeb' wu' kink'ut ni chke chi lik in ch'am, xaq kink'ut ni in-ij inchomal chke konojel je aj Israel. Xcha. Are uri ma Aarón to' xuta chik.

1 Samuel 4:17

Are uri i achi xub'ij: —I aj Israel xe'anmaj chkiwach aj Filistea, xaq lik k'i xekam chke, chuxol i k'iyal kamik le xekam keb' ak'ojol chi ma Ofni xaq ma Finees; xwi ta la ile, xaq xkik'am b'i i kaxa re utrat i Ajwal.

1 Samuel 4:19

I ralib', chi rixoqil ma Finees, k'aqtajnaq xa keb' oxib' ij chik kraj chi kalax rak'al. Are xuta chi xel-ax b'i i kaxa re utrat i Ajwal xaq xkam uqajaw ralib' xaq i rachijil, are uri xpe uk'axk'ol utujanik i juntir xalax rak'al.

Jueces 15:20

A Sansón xk'iji juwinaq junab' pa kaj-atzil aj Israel, are je o aj Filistea puwi i ulew le.