1 Samuel 4:13 - Wuj Pa K'ubultzij

¹³ Are xupon achi le, ma Elí kul chupam jun xila chila pa okb'al b'ik che i tinimit, kuchajij i b'e, man kb'ison che i kaxa re utrat i Ajwal. I achi le xok b'i pa tinimit xaq xok chub'ixkil wach xk'ulmaxik, are uri konojel i winaq xe'ok chisik'inik.

1 Samuel 4:13 Referans Kwoze

1 Samuel 1:9

Xuk'ulmaj juyak are je o chila pa Silo, i ati Ana are xtijtaj uwa, xwalijik. I ma Elí chi Ajsujul sipon kul pa xila naqaj che i okb'al prachoch i Ajwal.

1 Samuel 4:18

I ma Elí, are xuta chi xmaj b'i i kaxa re utrat i Ajwal, are uri xpak'krij b'i xol uchija chutzal uxila, ire le lik rij chik xaq lik al chik uch'akul, rumali chi xpatz'taj uqul xaq xkamik. I ma Elí le kawinaq (40) junab' xu'at tzij pkiwi aj Israel.

Salmos 26:8

Ajwal, yin k'ax kinna awachoch ipa at jeqel wi, xaq k'ax kinna i k'ijib'al ipa jeqel wi a'ij achomal.

JOSUÉ 7:9

Man i je aj Canaán xaq konojel i winaq re uwach ulew, kketamaj na wach xqak'ulmaji, te'uri kkisutij qij chupb'al qawach chwach i jyub' ta'aj; b'ay, ¿Ipa kkanaj wi uri i nim laj a'ij?

1 Samuel 4:14

I ma Elí are xuta chi o kesik'inik, xutz'onoj: —¿Wach usuk' ronojel i sik'inik le? Are uri i achi x-e la ru' pa'anem, xub'ij che wach xkik'ulmaj.

JEREMÍAS 48:19

Tinimit re Aroer, chattak'al chutzal i b'e xaq chawila; chatz'onoj chke i k'a je k'as kanoq wach xk'ulmaxik.