1 Samuel 4:10 - Wuj Pa K'ubultzij

¹⁰ Are uri aj Filistea xki'an ch'oj ku' aj Israel xaq xekich'ako, xe'anmaj aj Israel le, xe'e k'a pkik'ijib'al. Lik je k'i xekamik man je jo'lajujmo' oxchiy (30,000) achiyab' xekam chke aj Israel chi je yij che i ch'oj.

1 Samuel 4:10 Referans Kwoze

2 Reyes 14:12

I utzob'ajil ma Judá, xech'ak kumal aj Israel, rumali chi chkijujunal xe'e pa'anem chi taq kachoch.

1 Samuel 4:2

Kelik chila pa Afec le, xe'e chkij aj Israel che i ch'oj, i aj Filistea le xekich'ak aj Israel, xekikamsaj lajujmo' (4,000) achiyab' chila ipa xki'an wi ch'oj.

Deuteronomio 28:25

xaq kqajsax ni a'ij kumal i ajch'oj chawij. Lik kab'isoj enam chu'anik ch'oj chkij ike lik kixtususik xwiri i anmajik loq to' kichkich chik, lik kkib'isoj ni konojel i winaq chwach i jyub' ta'aj wach taq kak'ulmaj.

LEVÍTICO 26:17

Yin kin-an ni che wib' in ajch'oj chiwij xaq k-an ni tikilem chiwe kumal i je ajch'oj chiwij, lik kqajsax ni i'ij kumal ike chi ktitat kipam chiwe, xaq lik kix-anmaj na tupu nti jun kix-oqtawik.

2 Samuel 18:17

Te'uri xkiqajsaj li uch'akul ma Absalón, xkik'aq b'i chupam jun nim laj jul chi o chila pa nimaq taq che' xaq xkit'ub'a k'iyal ab'aj puwi. Chrijil chik ile; konojel aj Israel chi je enaq ru' ma Absalón, xe'anmaj b'ik, xe'e chi taq kachoch.

Salmos 78:9

I utzob'ajil ma Efraín chi je yij che i ch'oj kok'am kich'ab' pki'ab' xaq kiche' ch'ich' utzam, xwiri are xuriq i ij re i ch'oj, xe'anmajik.

SEGUNDO LIBRO DE CR%D3NICAS 25:22

I utzob'ajil ma Judá xqajsax ki'ij kumal aj Israel, rumali konojel i winaq xe'e chi taq kachoch.

SEGUNDO LIBRO DE CR%D3NICAS 13:17

Are uri ma Abías ku' uwinaq xki'an jun nim laj kamsanik, man xekikamsaj lajujmo' kachiy oxt'ub' (500,000) achiyab' chi je yij che i ch'oj chi je ulum chkixol aj Israel chi kiya'om kiwach ru' ma Jeroboam.

1 Reyes 22:36

Are ya kqaj ij, xupon ub'ixkil i tziji chke i achiyab' chi je yij che i ch'oj chila ipa je tak'al wi: “Chijujunal jix pitinimit xaq piwulew,

1 Reyes 12:16

Konojel i winaq aj Israel, are xkilo chi i ajawinel xu'an taj pacha xkitz'onoj che, keje ula'ik uwach iri xki'an che: “¡Yoj lik nti qe che ma David! ¡Xaq mijun b'iroxik chi kuxtab'al kan ke i qatit qamam, lik kqa'an ti keb' puwi ru' uk'ojol ma Isaí! Are uri xkib'ij: ¡Jo' chi taq qachoch qonojel yoj chi oj aj Israel! ¡Chrila ma David wach taq ku'an ku' i ralk'uwal!” Xecha. Are uri juntir xe'e aj Israel chi taq kachoch.

2 Samuel 20:1

Jun utz ti laj winaq kikwenta utzob'ajil ma Benjamín, chi ma Seba ub'i, uk'ojol ma Bicri, o chila Gilgal. I achi le xuxut'ij i trompeta xaq ko xsik'in chub'ixkil i tziji: “¡Qonojel yoj lik nti ub'itaq qe kya'ik xaq nti ukuxtab'al ma David qu' chi uk'ojol ma Isaí! ¡Rumali iwonojel yix ix aj Israel, jix chi taq iwachoch!”

2 Samuel 19:8

Are uri i ajawinel xwalij b'ik xaq x-e pa kulem chila pa okb'al che i tinimit. Are xya' utzijol chke i winaq chi o i ajawinel chila pa okb'al, konojel xeupon ru'. Xwiri i winaq aj Israel chi kiya'om kiwach ru' ma Absalón xe'e chruwaxik kib' chi kachoch.

2 Samuel 18:7

I achiyab' chi je yij che i ch'oj chi aj Israel xech'ak kumal i achiyab' chi je yij che i ch'oj re ma David. Che taq i ij le x-ani jun nim laj kamik, man xekam lajujmo' kachiy (20,000) achiyab' chi je yij che i ch'oj aj Israel.

Deuteronomio 28:15

Xwiri we katkojon ti che Awajwal Dios xaq ka'an taj pacha kub'ij utzij upixab' xaq i u'atb'al tzij chi xinb'ij chawe wo'or, kpe uri ronojel i k'oqb'ali pawi:

JEREMÍAS 7:12

Jix pa lo'laj ink'ijib'al chila Silo, chi are nab'e k'ijib'al xin-ulu re ink'ijib'al, xaq chiwila pe wach xin-an che rumal umak intinimit Israel.

1 Samuel 3:11

I Ajwal xub'ij che a Samuel: —Kin-an ni jun nim laj b'iroxik pa Israel man ni'pa ketawik lik ktz'inin ni uk'axk'ol pkixikin rumal.