1 Samuel 26:7 - Wuj Pa K'ubultzij

⁷ Che a'ab' le i ma David xaq ma Abisai xe'e che i k'ijib'al re i molb'al ib' ipa je o wi ma Saúl. I ma Saúl le kwar chila che i k'ijib'al re i molb'al ib', uch'ikb'am an uche' chi o ch'ich' chutzam chujolom. I ma Abner xaq konojel i achiyab' chi je yij che i ch'oj, je kotz'ol chrij chwach ma Saúl.

1 Samuel 26:7 Referans Kwoze

GÉNESIS 45:19

Chab'ij chke, chi chkik'ama b'i kich'ich' chi pa Egipto k'amb'al li ke i kak'al, kixoqil xaq iqajaw.

1 Samuel 17:20

Chukab' ij a David we' tan xwalij b'ik, xeuya kan i chij chi chajixik ru' jun chik, ire xuk'am b'i wach taq kkitij i ratz chi xuya b'i ma Isaí che. Are xupon chila ipa je o wi i ratz, i achiyab' chi je yij che i ch'oj ketijin chuyijb'axik kib' man ke'e chu'anik ch'oj, lik kesik'in konojel.

1 Samuel 26:6

Are uri ma David x-e lapan ru' ma Ahimelec chi aj Het xaq ru' ma Abisai, chi ralab' ati Sarvia, xaq ratz ma Joab, are uri xutz'onoj chke: —¿Pachin chiwe k-on kowil k-e qaj wu' che i k'ijib'al re i molb'al ib' ipa je o wi ma Saúl? —Yin kin-e awu'— xub'ij ma Abisai.

1 Samuel 26:8

Are uri ma Abisai xub'ij che ma David: —Wo'or i Dios xu'ano chi i ajch'oj chawij xujach pa'ab', chaya chwe kinkamsaj chi lik ru' ne uche' ire chi o ch'ich' chutzam, kinch'apb'a kan chwa ulew, xa ru' juch'ikaj kintiki che.