1 Samuel 26:6 - Wuj Pa K'ubultzij

⁶ Are uri ma David x-e lapan ru' ma Ahimelec chi aj Het xaq ru' ma Abisai, chi ralab' ati Sarvia, xaq ratz ma Joab, are uri xutz'onoj chke: —¿Pachin chiwe k-on kowil k-e qaj wu' che i k'ijib'al re i molb'al ib' ipa je o wi ma Saúl? —Yin kin-e awu'— xub'ij ma Abisai.

1 Samuel 26:6 Referans Kwoze

2 Samuel 2:18

Chila je o wi oxib' ralab' ati Sarvia chi: Ma Joab, ma Abisai xaq ma Asael. I ma Asael lik kuch'ij b'e pacha kej aj pa taq es,

2 Samuel 23:39

xaq i ma Urías, chi aj Het. Je wuqlajuj juwinaq (37) achiyab' konojel.

2 Samuel 23:18

I ma Abisai, chi ratz ma Joab, chi xaq ralab' ati Sarvia, are aj-atzil chke i lajuj juwinaq (30) achiyab' chi lik ko kiwach che i ch'oj. Xuk'ulmaj juyak chi xeukamsaj jo'lajujwinaq (300) achiyab' ru' uche' ch'ich' utzam. Rumali chi xuch'ak u'ij chkixol i je lajuj juwinaq (30) achiyab'

2 Samuel 18:5

Xwi ta la ile, i ajawinel le xub'ij che ma Joab, che ma Abisai xaq che ma Itai chi lik utz rilik ma Absalón chki'ana. Konojel achiyab' chi je yij che i ch'oj xkita i taqanik le chi xuya b'i i ajawinel chke i kaj-atzil.

2 Samuel 12:9

¿B'uchak xaqajsaj u'ij intzij xaq xa'an i mak atzalal chi kumaj ti inwach yin? Xakamsaj ma Urías, chi aj Het, xa'an chke aj Amón chi je are ike xekamsawik xaq xak'am i rixoqil che.

2 Samuel 11:24

Chila puwi i tapial chi nim uwach, i je ajk'aqol ch'ab' xojkik'aq ru' kich'ab', are uri xekam keb' oxib' awajpatanib' yet, nim laj winaq, chkixol ike le xkam ma Urías chi aj Het.

2 Samuel 11:21

Keje pacha xu'an jun ixoq chila pa tinimit Tebes chi xukamsaj ma Abimelec, chi uk'ojol ma Jerobaal, chi are xuk'aq li jun ka' re jok'b'al trigo puwi. ¿B'uchak ut laj ximin pan iwib' chuxe' i tapial chi nim uwach?” Are uri yet kab'ij ni che: “Xwi ta la ile, nim laj winaq, xaq xkam ma Urías chi aj Het chi xaq kaj-atzil achiyab' chi je yij che i ch'oj.”

2 Samuel 11:6

Are uri ma David xutaq ub'ixkil che ma Joab chi chutaqa li ma Urías chi aj Het, i ma Joab keje ile xu'ano.

GÉNESIS 15:20

aj Het, aj Ferez, aj Refa,

GÉNESIS 10:15

I ma Canaán xuk'uwalij a Sidón, ile are nab'e rak'al, te'uri a Het, ire le xeuk'uwalij

GÉNESIS 23:3

Te'uri xel chila ipa o wi ukamnaq, xelapan ku' aj Het, xub'ij chke:

GÉNESIS 26:34

I a Esaú o kawinaq (40) junab' che are xk'uli ru' al Judit chi umi'al ma Beeri aj Het xaq xk'uli ru' al Basemat chi umi'al ma Elón chi xaq aj Het.

JOSUÉ 3:10

Xaq xub'ij chik: Ru' iri kiwetamaj chi o jun k'aslik Dios chqaxol, lik saq laj tzij, keresaj b'i je aj Canaán, je aj Het, je aj Jiw, je aj Ferez, je aj Girgash, je aj Hamor xaq i je aj Jebús.

1 Samuel 26:7

Che a'ab' le i ma David xaq ma Abisai xe'e che i k'ijib'al re i molb'al ib' ipa je o wi ma Saúl. I ma Saúl le kwar chila che i k'ijib'al re i molb'al ib', uch'ikb'am an uche' chi o ch'ich' chutzam chujolom. I ma Abner xaq konojel i achiyab' chi je yij che i ch'oj, je kotz'ol chrij chwach ma Saúl.

1 Reyes 10:29

Jun ch'ich' chi klo' chila pa Egipto, ktoj lajujwinaq jumo' (600) saqpwaq, xaq jun kaway ktoj lajuj wuqwinaq (150) saqpwaq. Chrijil chik ile i ma Salomón kuk'ayij chub'i chke i ajawinelab' aj Het xaq chke i ajawinelab' aj Siria.

2 Reyes 7:6

Xuk'ulmaj chi Ajwal xu'an chke konojel achiyab' chi je yij che i ch'oj aj Siria, xkita uch'awb'al i ch'ich' chi re anb'al ch'oj, winaq je ajrij taq kaway xaq xkita uk'iyal winaq; rumali aj Siria xkich'ob'o chi i ajawinel aj Israel utz'onom utob'al che i ajawinel aj Het xaq che i ajawinel aj Egipto anb'al ch'oj chkij.

2 Samuel 2:13

Xaq ma Joab chi ralab' ati Sarvia xaq i achiyab' re ma David chi je yij che i ch'oj, xe'el chila pa tinimit Hebrón, xkiriqa kib' chila ipa o wi i yab'al ya Gabaón, chekeb' tzob'aj achiyab' chi je yij che i ch'oj xkiyijb'a kib', jutzob'aj xek'iji chutzal i yab'al ya jewa xaq jutzob'aj chik xek'iji jela.

2 Samuel 23:34

ma Elifelet, chi uk'ojol ma Ahasbai, i uqajaw ma Ahasbai le, aj chila Maaca; ma Eliam, chi uk'ojol ma Ahitofel, aj Gilo;