1 Samuel 24:3 - Wuj Pa K'ubultzij

³ Che i b'e chi kimajom b'ik le, xeupon chila ipa je o wi jub'an chij, chkinaqaj i chij le o jun ab'aj chi pek upam ipa kuwam wi kib' ma David junam ku' uwinaq. I ma Saúl xok b'i chupam i pek le chutzaqik rib',

1 Samuel 24:3 Referans Kwoze

Jueces 3:24

Are enaq chik ma Aod xeupon i rajtaqon i ajawinel; are xkilo chi tz'apil uchija ipa o wi, are uri ike xkib'ij: Moqxa ktijin chutzaqik rib' k'a pa ja loq pa k'ijib'al chi joror upam are lik tij ij.

Salmos 141:6

I kaj-atzil i itzel laj taq winaq kk'aq nu b'i pa siwan, te'uri kketamaj na chi ni'pa xinb'ij lik saq laj tzij.

1 Samuel 26:3

Xek'iji chila puwi i jyub' Haquila chi o chuchi' i b'e chwach i tz'inilik jyub' chaqij. Xwiri ma David xretamaj chi ma Saúl teren b'i chrij k'a chila ipa ruwam wi rib'.

1 Samuel 13:2

are uri xeu'ul lajujwinaq wuqmo' (3,000) achiyab' chi je yij che i ch'oj chkixol aj Israel. Jo'mo' (2,000) chke i ajch'oj le xekanaj kan ru' ma Saúl chila pa Micmas xaq chwi taq jyub' Betel, i lajujwinaq kamo' (1,000) chik xekanaj kan ru' ma Jonatán pa Gabaa chi utinimit ma Benjamín. I jub'an chik winaq xeutaq b'i chi kachoch.

1 Samuel 26:2

Are uri ma Saúl x-e chutzukuxik ma David, pa tz'inilik jyub' chaqij Zif, xeuk'am b'i lajujwinaq wuqmo' (3,000) achiyab' aj Israel chi lik kkiriq i ch'oj.