1 Samuel 21:9 - Wuj Pa K'ubultzij

⁹ I ajsujul sipon xub'ij che: —Olik, o uch'ich' ma Goliat wu', chi xakamsaj yet chila chwa ta'aj Ela, o chila chrij i efod, pastal chupam jun ral k'ul. We kawaj chak'ama b'ik; man xwi ile olik. I ma David xub'ij che: —Chaya chwe, man nti jun chik chi lik utz chwach ile.

1 Samuel 21:9 Referans Kwoze

1 Samuel 17:2

I ma Saúl xaq aj Israel xkimol kib' xaq xek'iji chila che uwa ta'aj Ela, chuyijb'axik kib' chu'anik ch'oj chkij aj Filistea.

1 Samuel 31:10

I jalajuj taq uch'ich' ma Saúl re anb'al ch'oj, xkiya chila prachoch i ki-dios chi Astarot ub'i, xaq xkitzayb'a uch'akul chwach xan chi re Bet-sán.

1 Samuel 21:8

Ma David xub'ij che ma Ahimelec: —¿Moqxa o jun che' ch'ich' utzam awu', we ntaj jun ch'ich' chi o uware k'ulala? Man utaqanik i ajawinel lik we' uwach, rumali x-antaj ti chik uk'amik li jun ch'ich' chi k'ulala o uware xaq i jub'an chik inchapb'al re ch'oj.

1 Samuel 22:10

Ma Ahimelec xutz'onoj che i Dios wach ku'an ma David, xuya i wa re trigo che xaq xuya i ch'ich' che chi re te'eq ma Goliat aj Filistea.