1 Samuel 2:22 - Wuj Pa K'ubultzij

²² I ma Elí lik ktijin urijab'ik, xwiri reta'am ronojel ni'pa kki'an i rak'al chke aj Israel man lik kkimin ne kib' ku' ixoqib' chi kki'an kipatan chila pa okb'al che i ja re riqb'al ib' ru' i Dios.

1 Samuel 2:22 Referans Kwoze

ÉXODO 38:8

Xwi ta la ile, xaq xutz'onoj i taqb'al kib' ixoqib' chke chi anch'ich', je are ixoqib' chi kechakun chila pa okb'al re i ja re riqb'al ib' ru' i Dios; i anch'ich' le chi xutz'onoj chke ixoqib' xu'an jun ch'ajb'al ab'aj che xaq xu'an i raqan ru'.

Ezequiel 22:26

I ajsujul sipon re i tinimiti kkijech'ab'saj usuk' ink'utunik xaq kkiqajsaj ki'ij ni'pa taq i b'iroxik chi Yin inya'om ki'ij; lik kkil ti ub'e pachike o u'ij o nti u'ij, xaq kkik'ut ti chke i jub'an chik chrilik ub'e pachike i ch'am xaq i ch'am taj. Kkikoj ti retalil che ni'pa taq i ij sábado we Yin. Xaq kkikoj ti in-ij.

1 Samuel 8:1

Are xrijab' ma Samuel, xeuya kan uk'ojol pa atol tzij puwi i tinimit Israel.

GÉNESIS 37:2

Iri are ki'anoj mam Jacob ru' i ralk'uwal: I a José are o wuqlajuj junab' che, k-e chkiyu'uxik i chij ku' i ratz, chi rak'al ati Bilha xaq i rak'al ati Zilpa, chi je qas ti mer rixoqil uqajaw. I a José le kukoj kimak i ratz che uqajaw, chi xaqmanal kki'ano.

1 Samuel 2:23

Rumali chi xeusik'ij xaq xub'ij chke: “Konojel i winaq kkilap chwe ni'pa i utz taj chi ki'an yix. ¿B'uchak chi keje ile ki'ano?

1 Samuel 3:13

Yin xinb'ij che chi kinya ni utojb'alil chke i rak'al ronojel ij saq, rumal i mak atzalal chi reta'am chik ire. I rak'al xinkich'amij xwiri ire xeujek' taj.

GÉNESIS 35:22

Are je o chik chila che i k'ijib'al le i ma Rubén xumin rib' ru' ati Bilha chi qas ti mer rixoqil uqajaw; i ma Israel are xretamaj lik xpe roywal. I ma Israel xeuk'uwalij kab'lajuj rak'al.