1 Samuel 19:8 - Wuj Pa K'ubultzij

⁸ Xjeqan chik i nim laj ch'oj, are uri ma David x-e chu'anik ch'oj chkij aj Filistea, lik xeuch'ako man xu'an k'ax chke, rumali xe'anmajik.

1 Samuel 19:8 Referans Kwoze

Salmos 27:3

Tupu k'iyal achiyab' je yij che i ch'oj kkisutij wij, i wanima lik kuxij ti rib'; tupu kkiyijb'a kib' chu'anik ch'oj chwij, xwiri yin lik kul ink'ux.

1 Samuel 19:7

Are uri ma Jonatán xusik'ij ma David, xulap che ronojel ni'pa xkilapo. Te'uri xuk'am b'i chwach ma Saúl; i ma David le xchakun chik ru' ma Saúl pacha ax ku'an wi.

1 Samuel 19:9

Xwiri xuk'ulmaj tan chik chi Ajwal xutaq chali itzel tew puwi ma Saúl are kul prachoch ru' uche' ch'ich' utzam pu'ab', tz'aqat i ma David ktijin che i ojmanik;

1 Samuel 18:14

I Ajwal lik kuto a David rumali ronojel ni'pa i ku'ano lik kel utz ru'.

1 Samuel 18:30

Xaq kuk'ulmaj chi are kki'an ch'oj ku' aj Filistea arewi a David lik kch'akan che i ch'oj chkiwach i jub'an chik rajpatanib' ma Saúl. Rumal ile lik konojel i winaq xkinimarsaj u'ij a David.

1 Samuel 23:5

Are uri i ma David junam ku' uwinaq xkimaj b'i kib'e, xe'e k'a pa Keila chu'anik ch'oj ku' aj Filistea, lik xekich'ako xaq xkik'am i kichikop chke. Keje kito'ik aj Keila ile xu'an ma David pki'ab' aj Filistea.

1 Reyes 20:21

Are uri i ajawinel ke aj Israel xterejik i xeumaja pa taq b'e, are uri xumaj i kikaway chke xaq kich'ich' re anb'al ch'oj, xaq xeukamsaj k'i chke aj Siria.