1 Samuel 18:11 - Wuj Pa K'ubultzij

¹¹ Are uri ma Saúl xaqte'et xusututej b'i che' ch'ich' utzam chrij a David, xuch'ob' te'eq ire chi kuch'ap b'i che a David chwach xan, xwiri a David xtiki che i elik kamul.

1 Samuel 18:11 Referans Kwoze

1 Samuel 20:33

Are uri ma Saúl xuk'aq b'i i che' ch'ich' utzam chrij ma Jonatán kamsab'al re, ru' ile xretamaj chi uqajaw lik uch'ob'om ukamsaxik ma David.

ISAÍAS 54:17

Xwiri mijun u'anom jun ch'ojb'al re ktiki chusachsaxik awach. Lik kattiki ni chula'puxik kichi' konojel ni'pa kkikoj amak. Man Yin kinya i ch'akanik chke konojel ni'pa kki'an kipatan chwij. Are i Ajwal xb'iw ile.

Juan 10:39

I aj Judío xkaj tan chik uchapik i Jesús, xwiri ire xresaj chik rib' chkixol.

Juan 8:59

Are uri aj Judío xkiyak ab'aj re kkipuk' te'eq che i Jesús, xwiri i Jesús xruwaj rib' chkixol i winaq i xel prachoch i Dios.

Lucas 4:30

xwiri i Jesús xa xik'aw chkixol xaq xumaj b'i ub'e.

Proverbios 27:4

I itzel laj oywal lik kch'ijaw taj, i oywal lik ktzaqsanik, xwiri i titb'al pamaj lik k-an ti tikilem u'atixik.

Hebreos 11:34

O jujun xemin pa orno, xwiri xekam taj tupu nim ucho'ab' i a'; o jujun laj xekamsax ru' ch'ich' chi k'ulala o uware, xwiri i Dios xeuto chi xekamsax taj; o i nti kicho'ab', xwiri rumal ukub'ib'al kik'ux che i Dios lik xk'iji kicho'ab'; xaq o jujun, are xki'an ch'oj, xekich'ak i achiyab' chi je ajch'oj chkij.