1 Samuel 15:8 - Wuj Pa K'ubultzij

⁸ Xuchap ma Agag chi ajawinel ke aj Amalec, te'uri xeukamsaj ru' ch'ich' konojel uwinaq chi je yij che i ch'oj.

1 Samuel 15:8 Referans Kwoze

1 Samuel 30:1

Che urox ij ma David xaq i achiyab' chi je o ru' xeupon pa tinimit Siclag, xekiriqa chi aj Amalec kimajom chik i ulew Neguev, xaq ketijin chu'anik k'ax chke i winaq aj Siclag xaq ketijin chunak'ik a' che i tinimit.

Ester 3:1

X-on panoq, i ajawinel ma Asuero xu'ansaj an upatan ma Amán, chi uk'ojol ma Hamedata, chi umuq uxikin ma Agag, aj-atzil pkiwi aj-ok'al utzam i jalajuj taq tinimit.

NÚMEROS 24:7

Aj Israel lik o ni kiya' re kkitu'u xaq re ja'b'al kitikon. I kajawinel lik kuch'ak ni ma ajawinel Agag man i ucho'ab' lik knimar na.

1 Reyes 20:30

I jub'an chik achiyab' xe'anmaj b'ik, xe'e pa tinimit Afec, xwiri i tapial nim uwach re i tinimit xtzaq li pkiwi i lajujwinaq wuqmo' oxchiy (27,000) achiyab' chi xkich'ij anmajik. Ma Ben-adad xaq x-anmajik, xupon chila pa tinimit le, chila xruwaj wi rib' chi taq ja.

1 Samuel 15:3

Rumali, jat xaq cha'ana ch'oj ku'; chachupu kiwach konojel junam ru' ub'i taq ke, lik mawil taq jub'i' tob'al kiwach. Cheakamsaj, achiyab', ixoqib', ak'alab' xaq i ral taq ak'alab' chi k'ate je alaxnaq, konojel i torib', chij, kamey xaq konojel i axna.”

JOSUÉ 11:12

Keje umajik kan uri ronojel kitinimit ile xu'an ma Josué, xuchup kiwach i ajawinelab' ru' ch'ich', pacha utaqom kan u'anik i etz mam Moisés chi rajchak i Ajwal.

JOSUÉ 10:39

Xkikamsaj i ajawinel aj Debir ru' ch'ich', xaq keje xki'an chke uwinaq xaq ni'pa je o chkij chkiwach, lik mijun xk'asi kan chke. Pacha kikamsaxik i je aj Hebrón, je aj Libna xaq i kajawinel xaq keje kikamsaxik i je aj Debir ile xki'ano xaq i kajawinel.

1 Samuel 15:20

Ma Saúl xub'ij: —Yin xinkojon che utaqanik i Ajwal, xaq xin-ano wach xinutaq ire chu'anik: Xinchap li ma Agag chi ajawinel ke aj Amalec, xaq xinchup kiwach konojel i aj Amalec.

2 Samuel 8:12

ile ke aj Edom, ke aj Moab, ke aj Amón, ke aj Filistea xaq ke aj Amalec, xaq ni'pa xkimaj pa ch'oj che ma Hadad-ezer, chi uk'ojol ma Rehob, chi ajawinel re i tinimit Soba.

PRIMER LIBRO DE CR%D3NICAS 4:43

xekikamsaj aj Amalec chi k'a je k'aslik. Lik che taq ij le xejeqi chila k'a are o wi wo'or.

LEVÍTICO 27:29

Xaq mijun winaq chi k'oqtal chik re i kamik, k-ani taq tikilem che chi kelsax chwach i kamik.

JOSUÉ 8:23

Xwi chik i ajawinel xkikamsaj taj, xkichapo xaq xkijach pu'ab' ma Josué.

1 Samuel 22:19

Chrijil chik ile x-e pa Nob chi are kitinimit i je ajsujul sipon, ru' i ch'ich' chi o uware k'ulala xeukamsaj achiyab', ixoqib', ak'alab' xaq xeukamsaj ne ral taq ak'alab' chi k'ate je alaxnaq xaq xeukamsaj i b'oyexab', axna xaq i chij.