1 Samuel 15:3 - Wuj Pa K'ubultzij

³ Rumali, jat xaq cha'ana ch'oj ku'; chachupu kiwach konojel junam ru' ub'i taq ke, lik mawil taq jub'i' tob'al kiwach. Cheakamsaj, achiyab', ixoqib', ak'alab' xaq i ral taq ak'alab' chi k'ate je alaxnaq, konojel i torib', chij, kamey xaq konojel i axna.”

1 Samuel 15:3 Referans Kwoze

NÚMEROS 24:20

Chrijil chik ub'ixkil ile ma Balaam, are xril i tinimit Amalec, xub'ij i tzijonik re i Ajwal: I tinimit Amalec lik nim te'eq u'ij xwiri lik ksachsax ni uwach ronojel.

1 Samuel 22:19

Chrijil chik ile x-e pa Nob chi are kitinimit i je ajsujul sipon, ru' i ch'ich' chi o uware k'ulala xeukamsaj achiyab', ixoqib', ak'alab' xaq xeukamsaj ne ral taq ak'alab' chi k'ate je alaxnaq xaq xeukamsaj i b'oyexab', axna xaq i chij.

NÚMEROS 31:17

Te'uri xub'ij chke: Su' wo'or cheikamsaj konojel ral taq alab'om, xaq su' cheikamsaj konojel ixoqib' chi kiminom chik kib' achiyab' ku'.

ÉXODO 20:5

Maxuk awib' chkiwach, xaq makoj ki'ij, man Yin in Awajwal Dios, Dios chi lik xwi Yin kmajawik koksax in-ij. I qajawxelab' xaq i chuchxelab' chi tzel kinkilo xaq ktitat kipam chwe, lik kinya ni utojb'alil kimak pkiwi kak'al, pkiwi ki kimam, pkiwi kixikin xaq pkiwi kimuq kixikin.

GÉNESIS 36:12

Xaq i jun rak'al ru' qas ti mer rixoqil chi ati Timna a Amalec ub'i; ike le je ri umam ati Ada chi rixoqil mam Esaú.

ÉXODO 17:14

Are uri i Ajwal xub'ij che ma Moisés: —Chatz'ib'aj iri chupam jun wuj man keje ile ksach taj, xaq chab'ij che ma Josué chi lik kinsach ni uwach ronojel ni'pa i kuxtab'al re ma Amalec.

1 Samuel 14:48

Xumol kichi' konojel achiyab' chi je yij che i ch'oj, xaq xeuch'ak i aj Amalec tob'al ke aj Israel pki'ab' ili'omab'.

1 Samuel 15:9

Xwiri ma Saúl junam ku' uwinaq chi je yij che i ch'oj, xkikamsaj ti ma Agag chi ajawinel, xaq xkikamsaj ti chomiq taq chij, torib', me', xaq i mama'ib' taq chij, xaq xkichup ti uwach i b'iroxik chi lik paqal rajil, xwiri xkichup uwach ronojel ni'pa taq i b'iroxik chi nti u'ij xaq paqal ti rajil.

1 Samuel 15:18

I Ajwal we xatutaq b'i chu'anik ch'oj chkij i ajmakib' laj taq Amalec, xaq chuchupik kiwach konojel,

1 Samuel 27:9

Are keupon chila che i jalajuj taq tinimit le lik mijun achi xaq mijun ixoq kkik'asb'a kanoq. Xaq kkik'am b'i chij, b'akib', axna, kamey xaq kkik'am ne b'i k'ul. Chrijil chik ile ketzalij chub'i chila ipa o wi ma Aquis.

1 Samuel 30:17

Are uri ma David le x-e chkij xujeq u'anik ch'oj ku', xsaqirik k'a xqaj ij xtiki chke, laj konojel xeukamsaj, xwi xetotaj i jumo' (400) alab'om chi xe'anmaj b'i chrij kikamey.

2 Samuel 1:8

xutz'onoj chwe chi in pachin yin. Yin xinb'ij che chi in aj Amalec.

JOSUÉ 10:39

Xkikamsaj i ajawinel aj Debir ru' ch'ich', xaq keje xki'an chke uwinaq xaq ni'pa je o chkij chkiwach, lik mijun xk'asi kan chke. Pacha kikamsaxik i je aj Hebrón, je aj Libna xaq i kajawinel xaq keje kikamsaxik i je aj Debir ile xki'ano xaq i kajawinel.