1 Samuel 15:16 - Wuj Pa K'ubultzij

¹⁶ —¡Match'awik Man kinb'ij chawe wach xub'ij i Ajwal chwe cha'ab'! —Xcha ma Samuel. Are uri ma Saúl xub'ij: —¿Wach uri xb'ix chawe?.

1 Samuel 15:16 Referans Kwoze

1 Reyes 22:16

Xwiri i ajawinel, chi ma Acab, xub'ij che: —¿Ni'pa mul rajwaxik kinb'ij ni chawe, chi lik pub'i Ajwal, kasaqij ni i saq laj tzij chwe?

1 Samuel 12:7

Rumali, chiyijb'a iwib', man lik chwach i Ajwal kinya retamaxik chiwe chrij ronojel ni'pa i utz chi uya'om Ire chiwe yix xaq chke iwatit imam.

1 Samuel 9:27

Are xe'el b'i tzam ja, are uri ma Samuel xub'ij che a Saúl: —Chab'ija che i amokom chi knab'ej b'ik, man yet rajwaxik chi kawoy-ej ni jub'i', man kinb'ij ni chawe wach xub'ij i Dios chwe.

1 Samuel 15:15

—Kik'amom li pa Amalec —xcha ma Saúl—, man i winaq kik'olom i chomiq taq chij xaq i chomiq taq torib' sujb'al ke chwach i Awajwal Dios. Xwiri ronojel ni'pa i jub'an chik b'iroxik lik xqachup kiwach.

1 Samuel 15:17

Are uri ma Samuel xub'ij che ma Saúl: —Xach'ob' taq yet chi lik nti a'ij, xwiri xat-on aj-atzil pkiwi i lemajil aj Israel, i Ajwal xuya utzil chomal pawi man xu'an chawe chi at ajawinel ke aj Israel.

ISAÍAS 39:5

Are uri ma Isaías xub'ij che ma Ezequías: —Chata pe i tzij chi kub'ij i Ajwal chi ronojel ktiki che chawe yet:

JEREMÍAS 34:6

I ma Jeremías, chi profeta, xukamulij ub'ixkil ronojel ni'pa i tzij le che ma Sedequías chila pa Jerusalén.

1 Reyes 14:6

I ma Ahías are xuta chi xok b'i rixoqil i ma Jeroboam xol uchija, are uri xb'ix che: —Chatok loq at rixoqil ma Jeroboam, ¿B'uchak chi ayojom li awib'? Yin yatal chik utzijol chwe chi lik ko a'ijlaxik kin-ano,