1 Samuel 15:1 - Wuj Pa K'ubultzij

¹ Xuk'ulmaj jun ij ma Samuel xub'ij che ma Saúl: —I Ajwal xinutaq loq man katinkanaj pa ajawinel puwi utinimit Israel. Rumali chata wach kraj ub'ixkil i Ajwal chawe.

1 Samuel 15:1 Referans Kwoze

1 Samuel 9:16

“Chweq pacha u'onom ori, kintaq li jun achi awu' chi kpe putinimit ma Benjamín. I achi le kajach ni pin-ab' man kkanaj na ajawinel puwi intinimit Israel. I ajawinel le keresaj ni intinimit pki'ab' aj Filistea, man intinimit kikojom uch'ojil chwe, rumali Yin kwil ni tob'al kiwach.”

1 Samuel 12:14

Wo'or chiqul yix o wi ukojik u'ij i Ajwal, chita uch'awb'al xaq mixqelan che i utzij upixab', yix xaq i ajawinel chi ku'at tzij piwi, rajwaxik chi ki'an na pacha kraj Iwajwal Dios we keje ile ki'ano, keje ile utz kixel ru'.

1 Samuel 13:13

I ma Samuel xula' uwach che: —I xa'ano le lik ch'ujlal u'anik man xatkojon ti che i taqanik chi xuya i Ajwal chqe. Wetene xatkojonik kk'is ti te'eqi awajawinik pa Israel.

1 Samuel 10:1

Are uri ma Samuel xuk'am pan jun b'axo chi o aceite chupam, xujam puja' a Saúl, xutz'ub'aj te'uri xub'ij che: —I Ajwal katuya yet pa ajawinel puwi Israel chi utinimit. Yet ka'at ni tzij puwi xaq keato ni pki'ab' i ajch'oj chi je o chrij chwach. Iri are ni ilb'al re chi Ajwal xatuya pa ajawinel puwi utinimit:

1 Samuel 9:15

Jun ij chuxe'el ruponik a Saúl, i Ajwal ub'im chik iri che ma Samuel puwaram:

2 Reyes 7:1

I ma Eliseo xub'ij: Chata utzij i Ajwal Dios chi keje iri kub'ij: “Chweq keje taq or iri: Che i okb'al re i tinimit Samaria klo' ni jun juwinaq (21) ral taq k'ox jok'om trigo ru' jun saqpwaq, xaq ru' jun saqpwaq klo' ni jo'ob' kawinaq (45) ral taq k'ox cebada.”