1 Samuel 13:6 - Wuj Pa K'ubultzij

⁶ I aj Israel lik xek'iji pa jalajuj taq k'ax man x-an ch'oj chkij kumal aj Filistea, rumali chi xe-anmajik, xkuwaj kib' pa taq pek, pa taq jul, pa taq nimaq taq ab'aj xaq pa taq k'otom chi chaqijnaq chik ya chupam.

1 Samuel 13:6 Referans Kwoze

Jueces 6:2

I aj Madián lik arewi kki'an k'ax chke aj Israel, i aj Israel le rumal kixib'rikil chke aj Madián xki'an uwajb'al kib' tzam taq jyub', pa taq pek xaq pa taq k'ijib'al chi lik k'ax okik che.

Hebreos 11:38

Ike le to' keb'in pa taq jyub' tz'inilik, xaq pa taq k'achelaj; kewar pa taq jul, pa taq pek. Ike le lik je utz; kmajaw ti chke kek'iji ku' i jub'an winaq chwach i jyub' ta'aj.

Filipenses 1:23

Lik k'ax ucha'ik chke i keb' le. Kinrayij na kinkamik, man kin-e uri chila ru' i Cristo; man ile lik utz kel chwe yin;

ISAÍAS 42:22

Xwiri i tinimit le kel-ax na xaq lik kjok b'i ub'itaq ke chke, konojel antal chke chi ketzaq prexil xaq je kitz'apim pa che', kkiya kib' pkiwi ike xaq nti jun ke'elsaw pki'ab', kekichap b'ik xwiri nti jun ketowik.

2 Samuel 24:14

Are uri ma David xub'ij che ma Gad: —In o chwach i jun nim laj k'ax, wo'or lik utz we kojtzaq pu'ab' i Ajwal, man ire lik nim rutzil uk'ux, chwach we kojtzaq taq pki'ab' i winaq.

1 Samuel 24:3

Che i b'e chi kimajom b'ik le, xeupon chila ipa je o wi jub'an chij, chkinaqaj i chij le o jun ab'aj chi pek upam ipa kuwam wi kib' ma David junam ku' uwinaq. I ma Saúl xok b'i chupam i pek le chutzaqik rib',

1 Samuel 23:19

Xwiri i winaq chi aj chila pa tinimit Zif xe'e pa lapanik ru' ma Saúl chila pa tinimit Gabaa. Keje iri xkib'ij che: —Ma David ruwam rib' pa qulew chila che jub'an tob'al ib' Haquila pa Hores, chi kkanaj pa wiqab' che i chaqij jyub'.

1 Samuel 14:11

Keje uri ile chi ani'al taj xe'ok b'i chekeb' chkiwach aj Filistea chila che i k'ijib'al ipa je o wi, ike le are xekilo, xkib'ij: “Chiwila pe', ktijin chali kelik aj Hebreo pa taq pek ipa kuwam wi kib'”, xecha.

Jueces 20:41

Are uri i aj Israel lik xki'an ch'oj, i utzob'ajil ma Benjamín xpe jun nim laj xib'rikil chke are xkilo chi xpe jun nim laj tojb'al pkiwi.

Jueces 10:9

I aj Amón xki'axuj i raqana Jordán anb'al ch'oj ku' utzob'ajil ma Judá, ku' utzob'ajil ma Benjamín xaq ku' utzob'ajil ma Efraín; rumali aj Israel lik xek'iji pa k'ax pki'ab' ike le.

JOSUÉ 8:20

I winaq re i tinimit Hai are xetzun chkij, xkil i sib' chi kb'uquq pa tinimit kel b'i chikaj; are uri xkilo chi kkiriq ti chik ipa ke'anmaj wi, man i je aj Israel chi je anmajnaq te'eq chkiwach i aj Hai, xkisutij li kib', xe'ok chu'anik ch'oj chkij i aj Hai le.

1 Samuel 7:7

Are xketamaj aj Filistea chi aj Israel je o chila pa Mizpa, are uri i kaj-atzil xe'e chu'anik ch'oj chkij aj Israel. I aj Israel are xketamaj lik xkixij kib',

1 Samuel 13:15

Chrijil chik ile ma Samuel xel chila pa Gilgal lik xumaj chub'i ub'e. I jub'an chik achiyab' chi je yij che i ch'oj xeterej b'i chrij ma Saúl chuyijb'axik u'anik ch'oj. Xe'el chila Gilgal xeupon pa Gabaa chi kitinimit utzob'ajil ma Benjamín. I ma Saúl chila pa Gabaa le xerajlaj uwinaq chi je yij che i ch'oj, je kolo lajujwinaq jumo' (600) achiyab' je rachnimam.

1 Samuel 14:22

I aj Israel chi kuwam kib' chwi taq jyub' prulew ma Efraín, are xketamaj chi aj Filistea ktijin ki'anmajik, are uri ike xeterej b'i chu'anik ch'oj chkij.

JEREMÍAS 41:9

I k'otom chaqij chi xuk'aq kich'akul i winaq ma Ismael chupam chi xeukamsaj, ile xaq are i k'otom chaqij chi i ajawinel ma Asa utaqom u'anik are xuto rib' chwach ma Baasa, chi ajawinel re Israel. I k'otom chaqij le lik nim xwiri lik xnoj che kich'akul i kamnaq chi xeukamsaj ma Ismael.

Ezequiel 33:27

Xaq chab'ij chke: Keje iri kub'ij i Ajwal: Lik kinsaqij pub'i ink'aslemal chi ni'pa i je jeqel pa taq tinimit chi je o puyej, lik kekamsax na, i jub'an chi je jeqel pa taq es, kin-an na chi ketijaw kumal itzel taq chikop, xaq i jub'an chi je jeqel xol taq ab'aj xaq i jub'an chi je jeqel pa taq pek, kekam ni rumal yob'il.

1 Samuel 31:7

I aj Israel chi je jeqel ch'aqap che i ta'aj xaq prelb'al ij che i Jordán, are xkilo chi konojel aj Israel chi je yij che i ch'oj xekamik, xkam ma Saúl xaq xekam oxib' rak'al, are uri xko'taj kan kitinimit, xe'anmaj b'ik. I aj Filistea are xeupon chila xekanaj kan pa jeqelem che i tinimit le.