1 Samuel 13:3 - Wuj Pa K'ubultzij

³ Ma Jonatán xuwulijsaj i k'ijib'al ipa je o wi i achiyab' chi je yij che i ch'oj chi ke aj Filistea chi o te chila pa Gabaa; ile xketamaj aj Filistea. Are uri ma Saúl xutaq uxut'ixik i trompet pa ronojel jalajuj taq tinimit ke aj Hebreo yab'al utzijol chke.

1 Samuel 13:3 Referans Kwoze

1 Samuel 10:5

Chrijil chik ile, katupon ni che jun k'ijib'al chi Gabaa ub'i chi re i Dios, chila o jub'an achiyab' je yij che i ch'oj aj Filistea. Are katok b'i pa tinimit keak'ulaj jutzob'aj achiyab' chi profeta chi pacha taq sachnaq kinojb'al, ike le je petnaq che i lo'laj k'ijib'al re i Dios. Je nab'e jub'an winaq chkiwach chi ketijin chuyinik jalajuj taq son: O re i arpa, chilchil, su' xaq i salterio.

Jueces 3:27

Are xupon chila pkulew aj Israel, xuxut'ij i trompeta puwi i jyub' re ma Efraín sik'b'al ke konojel i winaq. Are uri xeqaj li konojel aj Israel chi je o chwi taq jyub', nab'e ma Aod chkiwach.

Jueces 6:34

Xwiri utewal i Ajwal xrajawin puwi ma Gedeón, are uri ire le xuxut'ij jun rok'a' chij sik'b'al ke i ralk'uwal ma Abiezer,

ZACARÍAS 14:10

Ronojel uwach ulew kkanaj na lik uwata'aj, kjeqan li pa Geba k'a pa Rimón, pa wiqab' re i tinimit Jerusalén. I Jerusalén lik nim ni u'ij, lik kejeqi ni winaq chupam che i k'ijib'al le, kjeqan b'i che uchija re i Benjamín k'a che Uch'uk chik jun Uchija, ipa te o wi Uchija Ujer, xaq kjeqan b'i k'a che i ja tak'taq re i Hananeel k'a ipa kyitz' wi aceite re i ajawinel.

ISAÍAS 10:29

Xu'axuj ik'awb'al pa raqana, xuxlan pa Geba; are uri i je aj Ramá lik xkixij kib', i je aj Gabaa re ma Saúl xe'anmajik.

2 Samuel 23:14

I ma David o chila pa pek chi adulam ub'i chi lik sutim rij ru' tapial nim uwach, tz'aqat i achiyab' chi je yij che i ch'oj aj Filistea je o chila pa tinimit Belén.

2 Samuel 20:1

Jun utz ti laj winaq kikwenta utzob'ajil ma Benjamín, chi ma Seba ub'i, uk'ojol ma Bicri, o chila Gilgal. I achi le xuxut'ij i trompeta xaq ko xsik'in chub'ixkil i tziji: “¡Qonojel yoj lik nti ub'itaq qe kya'ik xaq nti ukuxtab'al ma David qu' chi uk'ojol ma Isaí! ¡Rumali iwonojel yix ix aj Israel, jix chi taq iwachoch!”

2 Samuel 2:28

Chrijil chik ile ma Joab xutaq uxut'ixik i trompeta, are uri konojel i winaq xkimayij koqtaxik xaq xkimayij u'anik ch'oj ku' i kach aj Israel.

1 Samuel 13:16

Ma Saúl xaq i uk'ojol chi ma Jonatán xaq i achiyab' chi je yij che i ch'oj xek'iji chila pa Gabaa chi re utzob'ajil ma Benjamín, tz'aqat aj Filistea xek'iji pa Micmas,

JOSUÉ 21:17

Che utzob'ajil ma Benjamín: Are xya' i Gabaón, Geba,

JOSUÉ 18:24

Quefar-haamoni, Ofni xaq i Geba, kab'lajuj tinimit rachi'ilam ukomon;