1 Samuel 13:2 - Wuj Pa K'ubultzij

² are uri xeu'ul lajujwinaq wuqmo' (3,000) achiyab' chi je yij che i ch'oj chkixol aj Israel. Jo'mo' (2,000) chke i ajch'oj le xekanaj kan ru' ma Saúl chila pa Micmas xaq chwi taq jyub' Betel, i lajujwinaq kamo' (1,000) chik xekanaj kan ru' ma Jonatán pa Gabaa chi utinimit ma Benjamín. I jub'an chik winaq xeutaq b'i chi kachoch.

1 Samuel 13:2 Referans Kwoze

1 Samuel 10:26

Xaq a Saúl x-e chi rachoch chila pa tinimit Gabaa, i Dios xuya pkik'ux achiyab' chi ko kiwach chi kkachnimaj b'ik.

1 Samuel 14:31

Che i ij le, i aj Israel xekich'ak aj Filistea, xkijeq li koqtaxik che i tinimit Micmas k'a xeupon che i Ajalón. Xwiri i achiyab' chi je yij che i ch'oj aj Israel lik je kosnaq chik.

1 Samuel 13:5

Xaq aj Filistea xkimol kib' chu'anik ch'oj chkij aj Israel. I aj Filistea le o jo'lajujmo' oxchiy (30,000) ch'ich' ku' chi anb'al ch'oj, jo'lajujmo' (6,000) achiyab' je yij che i ch'oj chi ke'an chkij i kaway xaq i achiyab' je yij che i ch'oj chi keb'in chaqan, lik je k'i pacha i seneb' chi taq mar. Xe'e pusuk' i tinimit Micmas chila xek'iji wi, prelb'al ij che i tinimit Bet-avén.

1 Samuel 13:23

Tz'aqat, jun tzob'aj aj Filistea xe'e che i b'e chi k-e pa tinimit Micmas.

2 Samuel 21:6

kqaj chi kejach wuqub' alab'om ralk'uwal pqa'ab', man yoj koj-e chkitzayb'axik chwach i Ajwal chila pa Gabaa chi re ma Saúl, chi x-ul rumal i Ajwal. Are uri i ajawinel xub'ij: —Utzi' keinjach pi'ab'.

1 Samuel 15:34

Chrijil chik ile x-e pa Ramá, te'uri ma Saúl x-e chi rachoch pa Gabaa, pa rulew ma Saúl.

1 Samuel 14:52

I ma Saúl che ronojel uk'aslemal lik xutij uyej chu'anik ch'oj ku' aj Filistea; rumali chi ma Saúl le arewi keuyijb'a uwinaq chi je yij che i ch'oj chi lik o kicho'ab' chi xaq lik ko kiwach.

1 Samuel 14:5

Jun ab'aj o pa moxab' chwach i Micmas, i jun chik ab'aj o pa wiqab' chwach i Gabaa.

1 Samuel 8:11

—I ajawinel chi ku'at ni tzij piwi, kutz'onoj ni iri chiwe: Keusik'ij ni konojel iwak'al chi ke'e ni ku' achiyab' chi je yij che i ch'oj; ku'an ni chke jujun chi kkiyin ni ch'ich' chi kkikoj i aj-anol ch'oj, jub'an chik ku'an ni chke chi ke'an b'i chkij i kaway chu'anik ch'oj, jub'an chik ku'an chke chi kkichajij ire.

Jueces 19:12

Are uri aj Leví xub'ij che umokom: —Mijun tinimit kojok wi we aj Israel taj. Jo' k'a pa tinimit Gabaa.

JOSUÉ 18:28

Zela, Elef, Jebús chi wo'or Jerusalén kb'ix che, Gabaa xaq i Quiriat, kajlajuj tinimit rachi'ilam ukomon. Are ulew ile xaq i tinimit chi xya' chke i kalk'uwal ulemajil ma Benjamín.

1 Samuel 10:5

Chrijil chik ile, katupon ni che jun k'ijib'al chi Gabaa ub'i chi re i Dios, chila o jub'an achiyab' je yij che i ch'oj aj Filistea. Are katok b'i pa tinimit keak'ulaj jutzob'aj achiyab' chi profeta chi pacha taq sachnaq kinojb'al, ike le je petnaq che i lo'laj k'ijib'al re i Dios. Je nab'e jub'an winaq chkiwach chi ketijin chuyinik jalajuj taq son: O re i arpa, chilchil, su' xaq i salterio.

1 Samuel 13:1

I ma Saúl lik o chik ujunab' are xujeq ajawinik pkiwi aj Israel, xaq are o chik keb' oxib' junab' ujeqik,

1 Samuel 13:11

xwiri ma Samuel xub'ij che: —¿B'uchak chi xa'an ile? Are uri ma Saúl xub'ij: —Are xwilo chi xkitikb'a enam i winaq xaq nti ak'unik yet che i ij chi ch'iktalik xaq i aj Filistea kimolom chik kib' chila pa Micmas,

1 Samuel 13:15

Chrijil chik ile ma Samuel xel chila pa Gilgal lik xumaj chub'i ub'e. I jub'an chik achiyab' chi je yij che i ch'oj xeterej b'i chrij ma Saúl chuyijb'axik u'anik ch'oj. Xe'el chila Gilgal xeupon pa Gabaa chi kitinimit utzob'ajil ma Benjamín. I ma Saúl chila pa Gabaa le xerajlaj uwinaq chi je yij che i ch'oj, je kolo lajujwinaq jumo' (600) achiyab' je rachnimam.

1 Samuel 13:16

Ma Saúl xaq i uk'ojol chi ma Jonatán xaq i achiyab' chi je yij che i ch'oj xek'iji chila pa Gabaa chi re utzob'ajil ma Benjamín, tz'aqat aj Filistea xek'iji pa Micmas,

1 Samuel 26:2

Are uri ma Saúl x-e chutzukuxik ma David, pa tz'inilik jyub' chaqij Zif, xeuk'am b'i lajujwinaq wuqmo' (3,000) achiyab' aj Israel chi lik kkiriq i ch'oj.

2 Samuel 20:1

Jun utz ti laj winaq kikwenta utzob'ajil ma Benjamín, chi ma Seba ub'i, uk'ojol ma Bicri, o chila Gilgal. I achi le xuxut'ij i trompeta xaq ko xsik'in chub'ixkil i tziji: “¡Qonojel yoj lik nti ub'itaq qe kya'ik xaq nti ukuxtab'al ma David qu' chi uk'ojol ma Isaí! ¡Rumali iwonojel yix ix aj Israel, jix chi taq iwachoch!”

JOSUÉ 22:6

Are xb'itaj ile chke, mam Josué xutz'onoj utzil chomal pkiwi, te'uri xeutaq b'i chi kachoch.

1 Samuel 24:3

Che i b'e chi kimajom b'ik le, xeupon chila ipa je o wi jub'an chij, chkinaqaj i chij le o jun ab'aj chi pek upam ipa kuwam wi kib' ma David junam ku' uwinaq. I ma Saúl xok b'i chupam i pek le chutzaqik rib',

2 Samuel 23:29

ma Heleb, chi uk'ojol ma Baana, chi xaq aj Netofa; ma Itai, chi uk'ojol ma Ribai, aj Gabaa, chi o prulew ma Benjamín;

Esdras 2:27

i achiyab' aj Micmas, je keb' waqwinaq (122);

NEHEMÍAS 11:31

I utzob'ajil ma Benjamín, xe'ejeqi pa Geba, pa Micmas, pa Aía, pa Bet-el junam ru' ni'pa kikomon; xaq xekanaj jujun che taq tinimiti: