1 Samuel 11:1 - Wuj Pa K'ubultzij

¹ Ma Nahas, chi ajawinel pa Amón, x-e pa tinimit Jabes chi o chila pa Galaad, are uri xeuyijb'a i achiyab' chi je yij che i ch'oj re anb'al ch'oj chrij i tinimit, xwiri i winaq aj chila pa tinimit Jabes le xkib'ij che: —Cha'ana jun trat qu' man keje ile kqajach ni qib' pa'ab'.

1 Samuel 11:1 Referans Kwoze

1 Samuel 12:12

Xwiri, yix are xiwil ma Nahas, chi ajawinel ke aj Amón, are xe'e pa ch'oj chiwij, yix xitz'onoj jun ajawinel chwe re ku'at tzij piwi, tupu lik are Iwajwal Dios ajawinel piwi yix.

Ezequiel 17:13

Te'uri xuk'am jun uk'ojol chke i ralk'uwal che jun saqil laj ajawinel i xu'an jun trat ru', lik xutaq chub'ixkil chi kt'oron taj, xaq xeuk'am b'i ni'pa i winaq chi lik o te ki'ij pa tinimit.

1 Reyes 20:34

Are uri ma Ben-adad xub'ij che: —Kintzalij kan i jalajuj taq tinimit chawe chi xuk'am kan inqajaw che aqajaw yet; xaq yet utz we ka'an ak'ay chila pa tinimit Damasco pacha ku'an te'eq inqajaw chila Samaria. Are uri ma Acab xub'ij: —Ru' i xab'ij le, yin kinya chawe kat-ek. Keje uri ile chi ma Acab xu'an jun trat ru' ma Ben-adad, rumali xuya che chi x-ek.

Jueces 21:8

Xkitz'onoj: “¿O nawi jun chi chqaxol chi xupon ti pa moloj ib' chwach i Ajwal chila pa Mizpa?” Are uri xk'un chkik'ux chi mijun chke aj Jabes re Galaad xeupon ti pa moloj ib'.

GÉNESIS 26:28

Are uri ike xkib'ij che: —Yoj qilom chi Ajwal o awu', rumali xqach'ob'o chi yet xaq i yoj rajwaxik kqa'an jun trat chqawach, chi are iri:

Job 41:4

¿Xatab'a kattiki chu'anik che chi ku'an jun trat awu' re kkanaj pa k'ax pacha at rajaw uchak ronojel ij re ak'aslemal?

ÉXODO 23:32

Mi'an taq jun trat ku' ike xaq mitene ku' i kitiox.

ISAÍAS 36:16

mikoj retalil che wach taq kuloxla. I ajawinel re Asiria xinutaq li chub'ixkil chiwe chi chichomaj iwib' ru', xaq su' chijacha iwib', man keje ile chijujunal kitij ni uri uwach i-uva xaq i uwach higuera xaq kitu' ni uri i ya re ik'otom yix.

Jueces 10:7

Rumali i Ajwal lik xpe jun nim laj roywal chke, i xeujach pki'ab' aj Filistea xaq pki'ab' aj Amón.

Deuteronomio 23:3

I aj Amón xaq aj Moab lik kya' ti chke ke'ok pa ja re i molb'al ib' re i Ajwal xaq kya' ti chke ulajuj umuq uxikin.

1 Samuel 14:47

Keje uri ile chi ma Saúl xkub'i kan chu'atik tzij pkiwi aj Israel, lik xeuch'ak i ajch'oj chrij chi je are: Aj Moab, aj Amón xaq aj Edom; i ajawinel re i tinimit Soba xaq ku' konojel aj Filistea. Xaipa k-e wi lik arewi kch'akanik.

2 Samuel 10:1

X-on panoq, xkam ma Nahas chi ajawinel ke aj Amón, are uri xkanaj kan uk'ojol puk'exel chi ma Hanún.

2 Samuel 10:2

Are uri ma David xuch'ob'o chi lik utz rilik ma Hanún ku'ano, chi uk'ojol ma Nahas, keje pacha x-an che ire rumal uqajaw ma Hanún, chrijil chik ile, ma David xutaq b'i jub'an rajpatan chuya'ik ukowil uk'ux rumal ukamik uqajaw. Xwiri are xeupon i rajpatan ma David le chila pkitinimit aj Amón,

2 Samuel 17:27

i ma David are xupon chila pa Mahanaim, x-e ma Sobi, chi uk'ojol ma Nahas, chuk'ulaxik, chi aj chila Rabá, ukwenta i tinimit Amón; xaq x-e ma Maquir, chi uk'ojol ma Amiel, aj pa Lodebar, xaq x-e ma Barzilai, chi aj pa Rogelim, ukwenta i tinimit Galaad.

JEREMÍAS 40:11

Konojel aj Israel chi je o chila Moab, Amón, Edom xaq jub'an chik nimaq taq tinimit xketamaj chi ajawinel re Babilonia xuya chke jujun aj Israel chi kekanaj kan prulew, xaq are ire xuya kan ma Gedalías pacha aj-ok'al utzam ke ike.

JEREMÍAS 40:14

Xaq xkib'ij che: —¿Aweta'am ti b'ari chi ajawinel ma Baalis, aj Amón, xutaq ma Ismael chi uk'ojol ma Netanías, chakamsaxik? Xwiri ma Gedalías xukoj ti chke.

Jueces 11:4

Are ik'awnaq chik keb' oxib' junab', aj Amón xe'e chu'anik ch'oj chkij aj Israel,

2 Samuel 2:5

are uri ma David xutaq b'i jub'an ajb'il tzij ku', xkib'ij chke: “I Ajwal chuya ni utzil chomal piwi rumal i rutzil ik'ux che ma Saúl chi ajawinel te'eq piwi, man ximuqu are xkamik.

PRIMER LIBRO DE CR%D3NICAS 10:11

Konojel i winaq je aj pa tinimit Jabes chi ukwenta i Galaad, are xketamaj wach xki'an aj Filistea che ma Saúl,

PRIMER LIBRO DE CR%D3NICAS 10:12

are uri xkimol kib' konojel i achiyab' chi lik ko kiwach, xe'e chuk'amik uch'akul ma Saúl xaq kich'akul i rak'al, xekik'am b'i pa tinimit Jabes. Chila xkimuq wi chuxe' jun nim laj che' sik'al. Chrijil chik ile xkimayij wuqub' ij wa'im rumal kib'is.