1 Samuel 10:5 - Wuj Pa K'ubultzij

⁵ Chrijil chik ile, katupon ni che jun k'ijib'al chi Gabaa ub'i chi re i Dios, chila o jub'an achiyab' je yij che i ch'oj aj Filistea. Are katok b'i pa tinimit keak'ulaj jutzob'aj achiyab' chi profeta chi pacha taq sachnaq kinojb'al, ike le je petnaq che i lo'laj k'ijib'al re i Dios. Je nab'e jub'an winaq chkiwach chi ketijin chuyinik jalajuj taq son: O re i arpa, chilchil, su' xaq i salterio.

1 Samuel 10:5 Referans Kwoze

2 Reyes 3:15

Xwiri, chib'isoj, chik'ama li jun ojmanel chwe —xcha ma Eliseo. Rumali chi xupon jun ojmanel; are xujeq ojmanik i ucho'ab' i Dios xqaj puwi ma Eliseo,

1 Samuel 19:20

xeutaq b'i uwinaq chuchapik. Are xeupon uwinaq ma Saúl chila, xkil jutzob'aj profeta chi kmajaj kijolom rumal Utewal i Dios, are ma Samuel kok'aw utzam chke. Are uri juntir i Utewal i Dios xqaj pkiwi achiyab' chi je re ma Saúl xaq ike xmajaj kijolom rumal Utewal i Dios.

1 Samuel 13:3

Ma Jonatán xuwulijsaj i k'ijib'al ipa je o wi i achiyab' chi je yij che i ch'oj chi ke aj Filistea chi o te chila pa Gabaa; ile xketamaj aj Filistea. Are uri ma Saúl xutaq uxut'ixik i trompet pa ronojel jalajuj taq tinimit ke aj Hebreo yab'al utzijol chke.

2 Reyes 2:15

I je profeta chi je aj Jericó chi je o pan chwach, are xkil ile xkib'ij: “¡Utewal ma Elías o puwi ma Eliseo, wo'or!” Are uri xe'e chuk'ulaxik xaq xexuki'ik, xkiqajsaj kipalaj k'a chwach ulew.

2 Reyes 2:5

Xwiri i je profeta chi je jeqel pa tinimit Jericó, xe'el li chuk'ulaxik ma Eliseo xkib'ij che: —¿Aweta'am chik chi i Ajwal kuk'am b'i atijonel wo'or? Are uri ma Eliseo xub'ij: —Qatzij, weta'am chik, xwiri yix milap la.

2 Reyes 2:3

Xwiri i je profeta chi je jeqel chila pa tinimit Betel, xe'el li chuk'ulaxik ma Eliseo, xkib'ij che: —¿Aweta'am chik chi i Ajwal kuk'am b'i atijonel wo'or? Are uri ma Eliseo xub'ij: —Qatzij, weta'am chik, xwiri yix milap la.

1 Samuel 10:10

Chrijil chik ile, are xeupon a Saúl junam ru' umokom chila pa tinimit Gabaa, xek'ulax kumal jutzob'aj profeta chi pacha taq sachnaq kinojb'al. Are uri ma Saúl xchap rumal Utewal i Dios, xaq xujeq u'anik ire pacha kki'an i jub'an profeta chi pacha taq sachnaq kinojb'al.

1 Corintios 14:1

Lik chikowij iwib' che i k'axnab'al ik'ux chke i winaq, te'uri chirayij uriqik i sipon chi kpe ru' i Dios. Che i sipon le chi Dios kujacho, are lik utz, are usaqixik ub'ixkil chke i winaq wach ub'im i Dios chiwe.

Salmos 49:4

kinkoj ni retalil ni'pa i tzij chi kb'ixik, xaq ru' usonil i arpa kinb'ixaj ni ni'pa uwam uwach.

PRIMER LIBRO DE CR%D3NICAS 16:42

Ike le kkixut'ij i trompeta, kkiyin chilchil xaq i jub'an chik ojom chi kkikojo are kkib'ixaj u'ij i Dios. I rak'al ma Jedutún chkiqul ike o wi uchajixik uchija.

PRIMER LIBRO DE CR%D3NICAS 16:5

I aj-atzil chke, are ma Asaf, ukab' ma Zacarías, te'uri ma Jeiel, ma Semiramot, ma Jehiel, ma Matatías, ma Eliab, ma Benaía, ma Obed-edom xaq ma Jeiel. Konojel ike le o kijalajuj taq ojom, ki-salterio xaq ki-arpa. Ma Asaf kuchilcha i chilchil.

PRIMER LIBRO DE CR%D3NICAS 13:8

Tz'aqat ma David xaq konojel aj Israel lik kekikotik, kexajawik xaq keb'ixan ru' ronojel kicho'ab' chwach i Dios; i jalajuj taq ojom are iri: Arpa, salterio, chilchil, laq anch'ich' xaq i trompeta.

2 Reyes 6:1

Xuk'ulmaj jun ij, i profeta xkib'ij che ma Eliseo: —Chata pe', i k'ijib'al ipa oj wi awu', lik xa pich'.

2 Reyes 4:38

Chrijil chik ronojel ile, ma Eliseo xtzalij chub'i pa tinimit Gilgal. Che taq i ij le, o jun nim laj wa'jal chila che i ulew le, xuk'ulmaj chi je kul i profeta chrij chwach ma Eliseo, are uri ma Eliseo xub'ij che utaqon: “Chaya i b'oj nim puwi i a' xaq cha'ana jun jel laj ti'b'alil re kkitij i profeta.”

1 Samuel 9:12

—Waral xecha, xwiri k'a jela panoq. Lik chib'isoj, man ire o tan chi pa tinimit man wo'or ksujux i sipon pa lo'laj k'ijib'al re i Dios.

1 Samuel 10:4

I oxib' achiyab' le kkiya ni rutzil awach xaq kkiya ni keb' lejom wa re trigo chawe rajwaxik chi yet kak'am chke.

1 Samuel 13:2

are uri xeu'ul lajujwinaq wuqmo' (3,000) achiyab' chi je yij che i ch'oj chkixol aj Israel. Jo'mo' (2,000) chke i ajch'oj le xekanaj kan ru' ma Saúl chila pa Micmas xaq chwi taq jyub' Betel, i lajujwinaq kamo' (1,000) chik xekanaj kan ru' ma Jonatán pa Gabaa chi utinimit ma Benjamín. I jub'an chik winaq xeutaq b'i chi kachoch.

PRIMER LIBRO DE CR%D3NICAS 11:16

I ma David o chila chupam i pek chi o che i nim laj ab'aj le, tz'aqat jun tzob'aj chke aj Filistea je o chila pa tinimit Belén.

Salmos 92:3

ru' usonil i ojom chi k'am uwach xaq ru' chom laj i usonil i arpa xaq i salterio.

1 Reyes 18:29

Xik'aw pa'ij, ike kimayim ti sik'inik pacha taq je ch'uj xaq kimayim ti sak'linik, xwiri lik mijun xtaw chke, are xuriq i or chi kkisujuj i sipon xaq ¡Mijun xla'aw uwach chke!

2 Reyes 2:7

Xwiri xeupon lajuj kawinaq (50) je profeta, xekanaj kan naj pan jub'i' chkiwach ike; i ma Elías xaq ma Eliseo xetak'i pan chuchi' i raqana Jordán.