1 Samuel 10:16 - Wuj Pa K'ubultzij

¹⁶ Are uri ma Saúl xub'ij che i rikan: —Lik xusaqij chqe chi je riqtal chik i atitab' axna. Xwiri a Saúl le xub'ij taj chi xya' upatan re i ajawinik rumal ma Samuel.

1 Samuel 10:16 Referans Kwoze

Proverbios 29:11

I b'uy laj winaq lik kuya che i roywal kpetik, xwiri jun winaq chi o uno'oj reta'am uqajsaxik ucho'ab' i roywal.

1 Samuel 9:27

Are xe'el b'i tzam ja, are uri ma Samuel xub'ij che a Saúl: —Chab'ija che i amokom chi knab'ej b'ik, man yet rajwaxik chi kawoy-ej ni jub'i', man kinb'ij ni chawe wach xub'ij i Dios chwe.

1 Samuel 9:20

I axna chi je sachnaq pa oxib' ij kanoq, matk'achir kumal man je riqtajnaq chik. Xwi ta la ile, ronojel ni'pa i rayijb'al uwach chi o chila pa Israel, awe yet na xaq ke ni awalk'uwal.

Jueces 14:6

Are uri utewal i Dios xuya ucho'ab' a Sansón, rumali i a Sansón le lik ru' u'ab' xu'an ch'aqa taq che i koj pacha u'anik ch'aqa taq che jun ral chab'at. Xwiri xulap ti chke uqajaw uchuch wach xuk'ulmaj.

ÉXODO 4:18

Are uri ma Moisés x-e chik chi rachoch uqajaw uji' chi ma Jetro, are xuponik xub'ij che: —Ta, wo'or lik rajwaxik kin-e chik pa Egipto ipa je o wi aj Israel, kewila wach ki'anom we k'a je k'aslik. I ma Jetro xub'ij che: —Utzi', jat, chawila awib' —xcha.

1 Samuel 10:15

Are uri i rikan xub'ij: —¿Wach xub'ij ma Samuel chiwe? Chi'ana utzil, chilapa chwe.

Jueces 14:9

Are uri xumin u'ab' chupam i aqaj elsab'al li re i kab' xaq xok chutijawik tz'aqat ktijin che i b'e. Are xeuriqa uqajaw uchuch, xuya jub'i' kikab', ike le xkitijo, xwiri a Sansón xub'ij ti chke chi chupam jun kamnaq koj resam wi.

Proverbios 12:23

I b'iw laj winaq kukoj ti u'ij ru' wach reta'am, xwiri i b'uy laj taq winaq kkisaqij ni kib'uyil.

ECLESIASTÉS 3:7

Jun jo'taj tan re i raqch'inik xaq jun jo'taj tan re i t'isanik. Jun jo'taj tan re nti ch'awik xaq jun jo'taj tan re i ch'awik.