1 Samuel 1:8 - Wuj Pa K'ubultzij

⁸ “Are uri ma Elcana chi rachijil kub'ij che: Ana, ¿B'uchak kato'ik? ¿B'uchak katb'isonik xaq katij ti chik awa? ¿Xatab'a mas in rajwaxik ti yin chawe chwach wetene je o lajuj awak'al?” Xcha.

1 Samuel 1:8 Referans Kwoze

Rut 4:15

I ak'al le kuya ni ukowil ak'ux xaq katutzuq na are lik at rij chik, man lik rak'al awalib' chi k'ax katuna'o, chi xaq o u'ij awumal yet chkiwach wuqub' awak'al —xecha che.

ISAÍAS 54:6

At keje te'eq pacha jun ak'al ixoq chi jachtal kanoq xaq lik o puyej, xwiri i a-Dios at usik'im tan chik xaq kub'ij:

Job 6:14

I jun amiy chi kutij k'ax, lik k'ax kna'ik, tupu kojonnaq ti che i Dios chi Ronojel Ktiki Che.

1 Tesalonicenses 5:14

Xaq lik kqab'ij chiwe, i qachalal chwach i Cristo, cheipixb'aj ni'pa i kkaj ti chak; chiya ukowil kik'ux ni'pa i nti qas ukowil kik'ux; xaq cheito ni'pa i qas ti jikil kik'ux che i Dios; xwiri o uchak o unimal ik'ux chke konojel.

Juan 20:15

Are uri i Jesús xutz'onoj che: —Ixoq, ¿B'uchak kato'ik? ¿Pachin katzukuj? I ati Mariy xuch'ob'o chi are kchajiw i tikonb'al, rumali xub'ij che: —Ta, we yet xak'am b'i uch'akul i Jesús, chab'ij chwe ipa xaya wi man yin kink'am b'ik.

Juan 20:13

I ángel le xkitz'onoj che: —Ixoq, ¿B'uchak kato'ik? Are uri ati Mariy xub'ij chke: —Man xk'am b'i Wajwal, weta'am taj ipa xkiya wi —xcha.

Salmos 43:4

Man keje ile kinupon uri chwach asujb'al sipon, Ajwal Dios, xaq chila katinb'ixaj na ru' usonil i arpa, man yet Ajwal, lik kanojsaj ink'aslemal che i kikotemal.

ISAÍAS 54:1

Yet, ixoq, chi katalan taj xaq nti awak'al, chatsik'in rumal i kikotemal, chakamsaj awib' che b'ix re kikotemal, yet chi lik at alannaq taj, man i Ajwal kub'ij: I ixoq chi o'tam kanoq mas je k'i ni rak'al kealax chwach ixoq chi o rachijil.

2 Reyes 8:12

Are uri ma Hazael xutz'onoj che: —¿B'uchak chi kato'ik, nim laj winaq? Ma Eliseo xub'ij che: —Man weta'am chi ka'an ni k'ax chke aj Israel, kanak' ni a' che i kitinimit chi sutim rij ru' tapial nim uwach, keakamsaj alab'om xaq ak'alab' ru' ch'ich' xaq kajaq ni kipam i ixoqib' chi je k'aqtajnaq.

1 Samuel 1:7

Junab' junab', are ke'e prachoch i Ajwal, i ati Penina lik keje ile ku'an che, kuyo'ya ati Ana rumali chi ati Ana ko'ik xaq kutij ti chik uwa rumal ub'is.