1 Samuel 1:3 - Wuj Pa K'ubultzij

³ Junab' junab' i ma Elcana le k-e che jun k'ijib'al chi Silo ub'i, chila kukoj wi u'ij i Ajwal chi ronojel ktiki che xaq kusujuj usipon chwach. Chila pa Silo je o keb' uk'ojol ajsujul sipon chi ma Elí are kib'i iri: A Ofni xaq i a Finees, ike le chekeb' je ajsujul sipon re i Ajwal.

1 Samuel 1:3 Referans Kwoze

Lucas 2:41

I uqajaw i uchuch i Jesús, ronojel junab' ke'e pa Jerusalén chrilik i nima'ij Pascua.

JOSUÉ 18:1

Are xkanaj i tinimit pki'ab' i je aj Israel, are uri xkimol kib' konojel i je aj Israel k'a pa Silo, chila ipa o wi i ja re riqb'al ib' ru' i Dios.

ÉXODO 34:23

Oxib' mul che jun junab' keupon ni konojel achiyab' chinwach Yin, chi in Ajwal Dios ke aj Israel.

ÉXODO 23:14

Oxmul che jun junab' ka'an i nima'ij kojb'al re in-ij Yin.

1 Samuel 1:21

Are uri ma Elcana xe'e junam ku' konojel i ralk'uwal pa tinimit Silo, chu'anik pacha usujum xaq chusujuxik sipon re junab' junab'.

1 Samuel 1:9

Xuk'ulmaj juyak are je o chila pa Silo, i ati Ana are xtijtaj uwa, xwalijik. I ma Elí chi Ajsujul sipon kul pa xila naqaj che i okb'al prachoch i Ajwal.

Deuteronomio 16:16

Konojel alab'om rajwaxik chi oxmul che jun junab' keupon ni chwach i Kajwal Dios, che i k'ijib'al chi ku'ul Ire, che taq i nima'iji: Nima'ij re i wa re trigo chi nti kunb'al ru', nima'ij re i Seman xaq i nima'ij ke i mujb'al re es; lik nti jun winaq chi to' keje ile kuponik chi nti kuk'am b'i chwach i Ajwal.

Jueces 18:31

I tiox chi xu'an ma Micaía xkiya aj Dan chila chkixol, chila xk'iji wi che ronojel i ij pa lo'laj k'ijib'al re i Ajwal chi o chila Silo.

Salmos 78:60

xaq xro'taj i ja re riqb'al ib' ru' i Dios chila Silo, chi are te'eq rachoch ile chkixol i winaq.

1 Samuel 4:11

Are uri i aj Filistea xkimaj li kaxa re utrat i Ajwal chke aj Israel xaq xkikamsaj ma Ofni xaq ma Finees chi je uk'ojol ma Elí.

1 Samuel 4:4

Are uri aj Israel le xekitaq b'i jutzob'aj achiyab' pa Silo, chuk'amik i kaxa re utrat i Ajwal chi ronojel ktiki che, chi o ukub'ib'al chi o u'ij chkixol i querubin. A Ofni xaq i a Finees, chi je uk'ojol ma Elí, xkachnimaj li kaxa re utrat i Ajwal.

1 Samuel 3:13

Yin xinb'ij che chi kinya ni utojb'alil chke i rak'al ronojel ij saq, rumal i mak atzalal chi reta'am chik ire. I rak'al xinkich'amij xwiri ire xeujek' taj.

1 Samuel 2:34

I kkik'ulmaj ni awak'al, chi ma Ofni xaq ma Finees kuriq ni uchak pa k'aslemal. Man chekeb' kekam ni xa jun chi ij.

ÉXODO 23:17

Konojel achiyab' kek'un ni chinwach Yin chi in Kajwal Dios, oxmul jun junab'.

Jueces 21:19

Xwiri junab' junab' o jun nima'ij re i Ajwal chila pa Silo, chi o chila pa moxab' che i Betel, chi xaq prelb'al ij che i b'e chi k-e che i tinimit Betel xaq che i tinimit Siquem, xaq pa wiqab' che i tinimit Lebona.”

1 Samuel 2:19

Junab' junab' i unan a Samuel are k-e ru' i rachijil chusujuxik kisipon prachoch i Dios, kuk'am b'i jun ral u'u' ralab' jurjik chi are ire anawnaq.

1 Samuel 14:3

I jun chi o chuqul uk'amik b'i i efod are ma Ahías, chi uk'ojol ma Ahitob; ire le rika' i ma Icabod; i ma Icabod le uk'ojol ma Finees; chi ri umam i ma Elí; i ma Elí le are ajsujul sipon re i Ajwal chila pa Silo. Xwiri i winaq keta'am taj we ya x-e ma Jonatán.