1 Reyes 1:9 - Wuj Pa K'ubultzij

⁹ Che taq i ij le ma Adonías xuyijb'a jun nim laj wa'im chila chuk'ulel i nim laj ab'aj Zohelet, chi o naqaj che i ralaxb'al ya Rogel. Chila xeukamsaj wi i chij, torib' xaq i ral taq me' chi lik je ti'ojab', xeusik'ij konojel ni'pa i je ratz ucha' chi je rak'al i ajawinel, xaq konojel achiyab' aj Judá chi kki'an kipatan chrij i ajawinel.

1 Reyes 1:9 Referans Kwoze

2 Samuel 17:17

Xwiri i ma Jonatán xaq i ma Ahimaas le je oknaq tu b'i pa tinimit man kkaj taj ke'iltajik, rumali chi kuwam kib' chila ipa o wi ralaxb'al ya chi Rogel ub'i, rumali chi jun ali ajchak x-e la chub'ixkil chke; are uri ike le juntir xe'e la chub'ixkil che ma David.

Proverbios 15:8

I Ajwal kmuluw uk'ux che kisipon i je utz ti laj taq winaq, xwiri kkikot ru' ni'pa i kilapanik i je utz laj taq winaq ru' Ire.

JOSUÉ 15:7

Te'uri kpaqi tan chub'i pa Debir chi o chwa ta'aj Acor, te'uri kupek'ij li puwi i Gilgal chi o chwach i paqpik chi Adumín ub'i, pa wiqab' che i jun ub'eya, k-e chik uchi' ulew le chuchi' En-semes, ke'el k'a chuchi' i ralaxb'al ya Rogel.

Mateo 22:4

Te'uri xeutaq chub'i jub'an chik umokom chkisik'ixik. Xub'ij chke: “Chib'ij chke ni'pa i je insik'im na, chi yij chik i wa'im. Chib'ij chke chi je inkamsam chik i chikop chi je in ti'ojersam. Ronojel is yij chik; ike chepetoq, chixchoq chke.”

JOSUÉ 18:16

Kqaj chub'i uchi' xe taq jyub' chi o chwach i ta'aj re uk'ojol ma Hinom, chi o pa moxab' che i Refaim; xaq xqaj chub'i uchi' chwa ta'aj re ma Hinom xik'aw chuchi' i jyub' ke aj Jebús, kupon k'a pa ralaxb'al ya Rogel.

1 Reyes 1:19

Ire xeukamsaj torib', me' xaq k'iyal taq chij chi lik je ti'oj, xaq xeusik'ij awak'al yet, Nim laj Winaq, xwi ta la ile, xaq xusik'ij i ma Abiatar chi ajsujul sipon, xaq xusik'ij ma Joab, chi kaj-atzil achiyab' chi je yij che i ch'oj, xwiri xusik'ij ti ma Salomón, chi awajpatan yet.

1 Reyes 1:25

Man wo'or je o pa jun nima'ij, ire xeukamsaj torib', me' xaq uk'iyal taq chij chi lik je ti'oj, xeusik'ij awak'al yet, Nim laj Winaq, xusik'ij ma Abiatar chi ajsujul sipon, xaq konojel i kaj-atzil i achiyab' chi je yij che i ch'oj. Lik ketijin chutzuqik kib', xaq kesik'in chub'ixkil i tziji: “¡Chk'asi ni i ajawinel ma Adonías!”