1 Reyes 1:10 - Wuj Pa K'ubultzij

¹⁰ Xwiri xub'ij ti che i profeta chi ma Natán, mitene che ma Benaía, mitene chke achiyab' chi je yij che i ch'oj re ma David xaq mitene che ucha' chi ma Salomón.

1 Reyes 1:10 Referans Kwoze

2 Samuel 12:24

Chrijil chik ile, ma David xuyu'uj uxikin i rixoqil, chi ati Betsabé. Te'uri x-e chusolixik, xaq xumin rib' ru', are uri ire le xalax jun ralab', i ma David xuya pub'i a Salomón. I Ajwal lik k'ax xuna i ak'al le.

1 Reyes 1:19

Ire xeukamsaj torib', me' xaq k'iyal taq chij chi lik je ti'oj, xaq xeusik'ij awak'al yet, Nim laj Winaq, xwi ta la ile, xaq xusik'ij i ma Abiatar chi ajsujul sipon, xaq xusik'ij ma Joab, chi kaj-atzil achiyab' chi je yij che i ch'oj, xwiri xusik'ij ti ma Salomón, chi awajpatan yet.

1 Reyes 1:8

Xwiri mitene i ajsujul sipon chi ma Sadoc, mitene ma Benaía, chi uk'ojol ma Joiada, mitene i profeta chi ma Natán, mitene ma Simei xaq mitene i achiyab' chi lik ko kiwach che i ch'oj re ma David xkiya ti kiwach ru' ma Adonías.

1 Reyes 1:26

Xwiri xkib'ij ti chwe yin, mitene che ma Sadoc chi ajsujul sipon, mitene che ma Benaía chi uk'ojol ma Joiada, xaq mitene che ma Salomón chi ak'ojol yet, Nim laj Winaq.

1 Reyes 1:11

Are uri i ma Natán xub'ij iri che ati Betsabé, chi uchuch ma Salomón: —¿Aweta'am chik chi ma Adonías, chi ralab' ati Haguit, ya x-on ajawinel che rib', xwiri lik reta'am ti mam David, chi qajawinel?

1 Reyes 2:13

Ma Adonías, chi ralab' ati Haguit, x-e chrilik ati Betsabé, chi uchuch ma Salomón. I ati Betsabé xutz'onoj che: —¿Ch'oj ti kawaj xatk'unik? —Ch'oj taj —xcha ire.

1 Reyes 4:5

Ma Azarías, chi uk'ojol ma Natán, are kok'aw utzam chke aj-atzil; ma Zabud, chi uk'ojol ma Natán, chi ajsujul sipon, are ajya'ol uno'oj i ajawinel puwach wi;