1 Corintios 11:4 - Wuj Pa K'ubultzij

⁴ Jun achi, are klapan ru' i Dios, o are kusaqij wach u'aljinsam i Dios che, we uch'uqum ujolom, kuqajsaj uri u'ij ire.

I ʼUtz Laj Tzij Re I Dios

⁴ Jun achi, are cu tzʼonoj che i Dios pa molbalʼib, are xak cu bij chique wach u ʼalijinsam i Dios che, we u chʼukum u jolom, qʼuixbal queʼel ile che i Crísto, man ire u wi u jolom i achi.

Ri Utzilaj Tzij re ri Kanimajawal Jesucristo

⁴ We juna achi uch'ukum c'u rujolom echiri' cu'an orar o cu'an k'alajisanic, ruc' wa' cuc'utu na jinta xi'in ib ruc' chwach ri Cristo, ri Jun e ujolom pa chapatal wi.

Ri utzilaj tzij re ri kanimajawal Jesucristo

⁴ We juna achi uch'uqum k'u rujolom echiri' ku'an orar o ku'an q'alajisanik, ruk' wa' kuk'utu na jinta xi'in ib' ruk' chwach ri Cristo, ri Jun e ujolom pa chapatal wi.

1 Corintios 11:4 Referans Kwoze

2 Samuel 15:30

I ma David lik ko'ik xpaqi b'i che i jyub' Olivos, nti uxajab' ukojom xaq uch'uqum b'i ujolom ru' jun k'ul k'utb'al re chi o pa b'is. Xaq keje i winaq chi kachnimam ke'o'ik xe'el b'ik xaq kich'uqum b'i kijolom.

1 Corintios 12:28

Rumali i Dios uya'om ichak chijujunal chi ix jutzob'aj re Ire: Nab'e, je o i apostolab'; ukab', o jujun profeta chi kkib'ij chke i winaq wach u'aljinsam i Dios chke; urox, je o i tijonel, xaq o jujun winaq chi kki'an i nimaq taq il; xaq o jujun kekutzirsaj iwab'ib'; te'uri je o jujun lik ketonik; xaq o i keok'aw utzam chke i je re i Dios, xaq o i kkiriq jun ch'ab'al chi kkita ti ub'e.

1 Corintios 12:10

Xaq rumal ire o jujun o pki'ab' kki'an i nimaq taq il; xaq o jujun je ajb'il re chke i winaq wach utzijom i Dios chke. Xaq o jub'an chik chi ketiki chretamaxik wach o ru' jun winaq, we are i Lo'laj Utewal i Dios o we xa are itzel tew o ru'. Xaq o jub'an chik, chi rumal i Lo'laj Utewal i Dios, kkiriq jun ch'ab'al chi kkita ti ub'e. Xaq o jub'an chik, chi rumal Lo'laj Utewal i Dios, ketiki chu'aljinsaxik wach usuk' i tzij le.

1 Corintios 11:14

Uxeb'al i k'aslemal re i qatinimit qeta'am chi lik k'ixb'al we jun achi nimaq uwi,

2 Samuel 19:4

Tz'aqat i ajawinel uch'uqum upalaj ru' jun k'ul, ksik'in chub'ixkil: “¡Ink'ojol a Absalón! ¡Ink'ojol a Absalón!”

Miqueas 7:6

Man i alk'uwalxelab' lik kkiqajsaj ki'ij i kiqajaw kichuch, i altom kkiqel kichuch, i alib'xelab' kkiqel i kichuch kalib' i je ajch'oj chkijujunal xa chkiwach je alal.

Hechos 13:1

I jutzob'aj re i Dios chi je o pa tinimit Antioquía, je o jujun profeta xaq je o jujun tijonelab' chkixol, chi je are iri: Ma Bernabé, ma Simón (chi xaq ma Eq kb'ix che), ma Lucio chi aj Cirene, ma Manaén (chi xek'itsax junam ru' ma Herodes chi aj-ok'al utzam i jalajuj taq tinimit te'eq pa Galilea) xaq i ma Saulo.

1 Corintios 11:5

Xwiri we jun ixoq klapan ru' i Dios, o are kusaqij wach u'aljinsam i Dios che, ire we uch'uqum ti ujolom, k'ixb'al uri kel ile che ire. Xaqjun ke'eloq pacha taq resam b'i uwi ronojel.

1 Corintios 13:2

Xaq wetene i Dios kuya jun tzij chwe chi kinsaqij ub'ixkil; wetene xaq kinta ub'e wach u'anom i Dios chi kkita ti ub'e i jub'an; xaq wetene ronojel is weta'am; xaq wetene kintiki chrelsaxik nimaq taq jyub' puk'ijib'al rumal ukub'ib'al ink'ux che i Dios; xwiri we nti k'axnab'al ink'ux chke i winaq, nti kel wi uri ni'pa taq i kin-ano le.

1 Tesalonicenses 5:20

Mixutuj i kitzij i qachalal chi kkib'ij chiwe wach utzijom i Dios chke.