PRIMER LIBRO DE CR%D3NICAS 9:1 - Wuj Pa K'ubultzij

¹ Keje uri ile chi konojel aj Israel xtz'ib'ax kib'i chupam kiwuj i ajawinelab' aj Israel. Xwiri i winaq re i tinimit Judá xek'am b'i pa Babilonia rumal kimak.

PRIMER LIBRO DE CR%D3NICAS 9:1 Referans Kwoze

NEHEMÍAS 7:64

Ire le xtzukux ub'i chupam i wuj ipa tz'ib'tal wi kib'i i alk'uwalil, xwiri xriqtaj taj, rumali chi xoksax ti pajil ku' i ajsujul sipon.

NEHEMÍAS 7:5

Are uri i Ajwal xuya pink'ux chi kinmol kichi' i winaq chi o ki'ij pa tinimit, xaq i je rajpatanib', man keje ile kink'am upam je ni'pa taq alk'uwalil je olik. Are uri xinriq i wuj chi tz'ib'tal kib'i konojel ni'pa xe'el li ujer pa Babilonia, chi keje iri tz'ib'tal chupam:

Esdras 2:59

I jub'an chi je o chila chi xe'el li pa Tel-mela, Tel-harsa, Querub, Addán xaq pa Imer, chi x-aljin ti chke we lik je aj Israel chkalaxik xaq we xa je alal, je are iri:

Daniel 1:2

I Ajwal xuya che i ma Nabucodonosor chi kuchap b'i ma Joacim, chi xaq ktzaq ni pu'ab' k'iyal taq chapb'al re prachoch i Ajwal. Ma Nabucodonosor xeuk'am b'i ajprexil pa Sinar, xaq xuya ni'pa taq i chapb'al chi lik o u'ij chupam i rachoch utiox chi xaril je antalik;

JEREMÍAS 39:9

Pa k'isb'al re, ma Nabuzaradán, aj-ok'al utzam i ajchajinelab' re i rachoch ajawinel, xeuk'am b'i winaq pa Babilonia chi k'a je kanijnaq te'eq xaq i jub'an chi xe'ax ku' aj Caldea; ke'eloq chi ronojel i tinimit xeuk'am b'ik.

SEGUNDO LIBRO DE CR%D3NICAS 33:11

Rumali, i Ajwal xeuk'am li i je aj-atzil ke i achiyab' chi je yij che i ch'oj re i ajawinel aj Asiria chu'anik ch'oj chkij, xkichap ma Manasés, xkikub'a jun ch'ich' putzam, xkixim ru' jun karena anch'ich' xaq xkik'am b'i prexil pa Babilonia.

PRIMER LIBRO DE CR%D3NICAS 8:40

Konojel i rak'al ma Ulam are achiyab' chi lik ko kiwach che i ch'oj xaq lik al ti ki'ab' chuk'aqik i ch'ab'. Ike le lik je k'i kak'al xaq i ki kimam, je lajuj wuqwinaq (150) konojel. Konojel ike le je umuq uxikin ma Benjamín.

1 Reyes 14:19

I jub'an chik anoj re uk'aslemal ma Jeroboam, i ch'oj chi xu'ano xaq i jub'an chik b'iroxik chi xu'ano are xu'at tzij, tz'ib'tal chupam i wuj Crónicas ke i ajawinelab' aj Israel.

2 Reyes 24:14

Te'uri xeuk'am b'i konojel ni'pa winaq aj Jerusalén prexil, xaq konojel i je aj-atzil, i achiyab' chi lik je yij che i ch'oj xaq lik ko kiwach, aj-anol jalajuj taq b'iroxik pa ab'aj xaq konojel je ajch'ayol ch'ich'. K'a xetz'aqat ni jo'mo' juchiy (10,000) winaq chi xek'am b'i prexil. Mijun winaq xkanaj kan pa nim laj tinimit, konojel xe'e prexil, xwi xek'am tu b'i i winaq chi lik je nib'a'.

2 Reyes 24:15

Ma Nabucodonosor xeuk'am b'i ma Joaquín, uchuch, je rixoqil, je rajpatanib' xaq konojel i winaq chi lik nim ki'ij chi je o chila pa nim laj tinimit; konojel xeresaj b'i pa Jerusalén, xeuk'am b'i pa tinimit Babilonia.

2 Reyes 24:16

I uk'iyal i achiyab' je lajujwinaq wuqlajujmo' (7,000) chi xeuk'am b'i i ajawinel aj Babilonia prexil, lajujwinaq kamo' (1,000) aj-anol jalajuj taq b'iroxik pa ab'aj, xaq lajujwinaq kamo' (1,000) ajch'ayol ch'ich', i uwi je are i achiyab' chi lik ko kiwach che i ch'oj.

Esdras 2:1

Iri are kib'i aj Israel chi xealax chila pa Judá chi xe'elsax b'i pa cho'ab' chwach kulew rumal i ajawinel ma Nabucodonosor aj Babilonia, chi chrijil chik kelsaxik b'i pa cho'ab' chwach kulew, xetzalij chik pa Jerusalén, xek'iji pa jalajuj taq k'ijib'al chila Judá, lik o jujun kok'aw utzam chke pa taq tzob'ajil, ike le je are iri: Ma Zorobabel, ma Jesúa, ma Nehemías, ma Seraías, ma Reelaías, ma Mardoqueo, ma Bilsán, ma Mispar, ma Bigvai, ma Rehum xaq ma Baana.

NEHEMÍAS 11:1

I aj-atol tzij re i tinimit, xejeqi pa Jerusalén; i jub'an chik winaq xki'an jun sakinik chkiwach man keje ile jun alk'uwal chke konojel tzob'ajil chi o lajuj alk'uwalil chke, k-e ni pa jeqelem chila Jerusalén, chi are jun lo'laj tinimit, tz'aqat i b'elejeb' chik alk'uwalil, kekanaj kan che i jub'an chik tinimit.

ISAÍAS 3:2

Ku'an na chi ksach uwach i winaq chi ko uwach, ajch'akanel pa ch'oj, atol tzij, profeta, ajnanel, nim laj winaq,

JEREMÍAS 13:19

Ni'pa i tinimit re i Neguev is sutim rij, lik mijun kya' che kok b'ik. Konojel ni'pa aj Judá xe'elsax b'i pa cho'ab' chwach kulew, lik konojel xe'elsax b'i pa cho'ab' chwach i kulew.