PRIMER LIBRO DE CR%D3NICAS 5:26 - Wuj Pa K'ubultzij

²⁶ Rumali chi ki-Dios aj Israel xumin pujolom i ajawinel aj Asiria, chi ma Pul ub'i, chi xaq ma Tiglat-pileser kb'ix che, chi ku'an ch'oj chkij, rumali xtiki chkich'akik utzob'ajil ma Rubén, ma Gad xaq nik'aj che utzob'ajil ma Manasés. Xaq xeuk'am b'i pa tinimit Halah, Habor, Hara xaq chi raqana Gozán, ipa je jeqel wi wo'or.

PRIMER LIBRO DE CR%D3NICAS 5:26 Referans Kwoze

2 Reyes 15:19

ma Pul, chi ajawinel re i tinimit Asiria, xumaj ulew Israel. Are uri ma Manahem xuya wuqub' waqlajujwinaq jumo' (727) tintal saqpwaq che ma Pul, man kuyab'ej ucho'ab' rajawinik i ajawinel.

2 Reyes 17:6

Che i b'elejeb' junab' rajawinik ma Oseas, i ajawinel re i tinimit Asiria xuk'am i tinimit Samaria xaq xeuk'am b'i konojel aj Israel prexil chila pa tinimit Asiria. Xeuya chila che i tinimit Halah che i ulew Habor, che i raqana Gozán, xaq o xeuya chila che i tinimit Media.

2 Reyes 15:29

Che taq ij re rajawinik ma Peka pa tinimit Israel, xupon ma Tiglat-pileser, chi ajawinel re i tinimit Asiria. I ajawinel le, xumaj i tinimit Ijón, Abel-bet-maaca, Janoa, Cedes, Hazor, Galaad, Galilea xaq ronojel ulew Neftalí; konojel i winaq xeuk'am b'i prexil pa tinimit Asiria.

2 Reyes 18:11

I ajawinel re i tinimit Asiria xeresaj b'i konojel aj Israel chi je o chila pa tinimit, xeuk'am b'i Asiria, xeuya chila pa tinimit Halah chi o chupam ulew Habor chi are i raqana chi kik'aw chila pa Gozán, xaq xeuya chila pa nimaq taq tinimit ke aj Media.

ISAÍAS 37:12

¿Are wa ki-dios i tinimit le xekito are xeupon watit inmam chkikamsaxik? I tinimit le je are iri: Gozán, Harán, Resef xaq i winaq aj Edén chi je jeqel chila che i tinimit Telasar.

SEGUNDO LIBRO DE CR%D3NICAS 33:11

Rumali, i Ajwal xeuk'am li i je aj-atzil ke i achiyab' chi je yij che i ch'oj re i ajawinel aj Asiria chu'anik ch'oj chkij, xkichap ma Manasés, xkikub'a jun ch'ich' putzam, xkixim ru' jun karena anch'ich' xaq xkik'am b'i prexil pa Babilonia.

2 Reyes 19:12

¿Are wa ki-dios i tinimit le xekito are xeupon watit inmam chkikamsaxik? I tinimit le je are iri: Gozán, Harán, Resef xaq i winaq aj Edén chi je jeqel chila pa Telasar.

2 Reyes 16:7

Are uri ma Acaz xutaq b'i jub'an ajk'amol b'i tzij ru' ma Tiglat-pileser, chi ajawinel re i tinimit Asiria, man kekib'ija che wach kub'ij ire: “I awajchaki ke'eloq pacha jun awak'al yet, rumali chatpetoq, chinato pu'ab' i ajawinel aj Siria xaq pu'ab' i ajawinel aj Israel, man ketijin chu'anik ch'oj chwij.” Xcha.

2 Samuel 24:1

I Ajwal xmi' chik roywal chke aj Israel, rumali xu'an che ma David chi kch'ojin chkij; are u'ankil uri chi xutaq ma David chkajlaxik konojel aj Israel xaq aj Judá.

Esdras 1:5

I aj-atzil ke i alk'uwal aj Judá, aj Benjamín, ajsujul sipon xaq i aj Leví chi kikowim kik'ux che i Dios, xkiyijb'a kib' che i enam pa Jerusalén chuyakik chik i rachoch i Ajwal.

PRIMER LIBRO DE CR%D3NICAS 9:1

Keje uri ile chi konojel aj Israel xtz'ib'ax kib'i chupam kiwuj i ajawinelab' aj Israel. Xwiri i winaq re i tinimit Judá xek'am b'i pa Babilonia rumal kimak.

SEGUNDO LIBRO DE CR%D3NICAS 28:20

Ma Tiglat-pileser, chi ajawinel pa Siria, x-e ru' ma Acaz, xwiri chuto'ik taj, xa chu'anik ch'oj chrij.

ISAÍAS 37:18

Ile lik saq laj tzij Wajwal Dios, chi i ajawinelab' aj Asiria kikamsam i winaq xaq ki'anom k'ax che kulew.

PRIMER LIBRO DE CR%D3NICAS 5:22

Lik je k'i chke i ajch'oj chkij xekamik man i ch'oj chi xki'ano lik ru' i Dios petnaq wi. Chila xejeqi wi kanoq che taq i k'ijib'al le, k'a are xe'elsax b'i pa cho'ab' chwach kulew.

SEGUNDO LIBRO DE CR%D3NICAS 30:6

Keje uri ile, chi xe'e i je ajb'il tzij pa jalajuj taq tinimit Israel xaq pa jalajuj taq tinimit Judá kok'am b'i i wuj re i ajawinel xaq ke i rajpatanib', man kkib'ij i taqanik re i ajawinel, chi keje iri kub'ij: “Ix aj Israel: Chixkojon chik che i Ajwal, chi ki-Dios ma Abraham, ma Isaac xaq ma Israel; man keje ile ire kk'iji chik chixol yix chi xix-anmaj pki'ab' i ajawinelab' aj Siria.