PRIMER LIBRO DE CR%D3NICAS 5:25 - Wuj Pa K'ubultzij

²⁵ Xwiri xuk'ulmaj jun ij chi xkiqel ki-Dios i katit kimam, man xkikoj ki'ij i jalajuj taq tiox ke jub'an chik tinimit chi i Dios xuchup te'eq kiwach chkiwach ike.

PRIMER LIBRO DE CR%D3NICAS 5:25 Referans Kwoze

Apocalipsis 17:5

I ixoq o jun b'iyaj tz'ib'tal chwach ukrusil, are jun b'iyaj chi etamam ti usuk'. Keje iri kub'ij: “Iri are i nim laj Babilonia, chi kichuch konojel i je ajmakib' laj taq ixoqib', xaq konojel i je aj-anol utz taj chwach i jyub' ta'aj.”

Oseas 1:2

I Ajwal keje iri xujeq ub'ixkil i utzijonik chi kraj ub'ixkil, rumali xub'ij che ma Oseas: I ulew re i tinimit Israel xujeq u'anik i xaqmanal ru' uch'akul rumali xujek' rib' wu' Yin. Xaq keje ile, jat yet xaq chak'ama jun chke ixoqib' chi chwach kich'akul kkich'ak wi kimer re awixoqil, xaq chek'iji i awak'al ru' ire; man keje ile ike je rak'al ni jun ixoq chi chwach uch'akul kuch'ak wi umer.

ÉXODO 34:15

Mi'an mijun trat ku' i winaq chi je o chila che ulew le, man ike xaqmanal kkisujuj che ki-dios, rumal kinima'ij kixkisik'ij ni ku' chutijawik i jalajuj xaqmanal taq b'iroxik chi kkisujuj ike che ki-dios.

Oseas 9:1

Matkikotik, tinimit Israel; matsak'lin rumal kikotemal pacha kki'an i jub'an chik tinimit, man xa'an i ch'am taj ru' ach'akul are xawo'taj kan a-Dios. Chila ipa kjich' wi uwach i trigo, qus kawil uk'amik rajil ni'pa taq i ch'am taj chi ka'an ru' ach'akul.

Jueces 8:33

Chrijil chik ukamik ma Gedeón, aj Israel xkimayij chik ukojik u'ij i Ajwal rumal ukojik u'ij i jalajuj taq tiox Baal, man xki'ul jun kitiox chi Baal-berit ub'i.

Jueces 2:17

Xwiri aj Israel xaq xekojon ti chke ajk'amol b'e, lik xkiqel i Ajwal man xa xkikoj u'ij i jub'an chik tiox. I katit kimam lik xekojon che utzij upixab' i Ajwal xwiri ike keje ti chik ile xki'ano.

Jueces 2:12

Xko'taj kan ukojik u'ij i Ajwal chi ki-Dios i katit kimam chi xe'elsaw li pa Egipto, xkikoj u'ij i kitiox i winaq chi je jeqel chila chkixol ike. Rumal ile chi lik xpe roywal i Ajwal chke.

2 Reyes 15:19

ma Pul, chi ajawinel re i tinimit Asiria, xumaj ulew Israel. Are uri ma Manahem xuya wuqub' waqlajujwinaq jumo' (727) tintal saqpwaq che ma Pul, man kuyab'ej ucho'ab' rajawinik i ajawinel.

PRIMER LIBRO DE CR%D3NICAS 5:24

I aj-atzil chke i alk'uwalil je are iri: Ma Efer, ma Isi, ma Eliel, ma Azriel, ma Jeremías, ma Hodavías xaq ma Jahdiel; konojel ike le lik ko kiwach che i ch'oj, lik o ki'ij xaq je aj-atzil ke i alk'uwalil.

PRIMER LIBRO DE CR%D3NICAS 9:1

Keje uri ile chi konojel aj Israel xtz'ib'ax kib'i chupam kiwuj i ajawinelab' aj Israel. Xwiri i winaq re i tinimit Judá xek'am b'i pa Babilonia rumal kimak.