PRIMER LIBRO DE CR%D3NICAS 29:1 - Wuj Pa K'ubultzij

¹ Te'uri i ajawinel ma David, xub'ij chke konojel i winaq chi kimolom kib' chila: “A Salomón, chi ink'ojol, chi xwi ire x-ul rumal i Dios, are jun ala chi k'amaja ujunab', xwiri lik nim laj chak o chuqul u'anik, man are ti u'anik jun nim laj rachoch i ajawinel, ile are u'anik i rachoch i Ajwal Dios.

PRIMER LIBRO DE CR%D3NICAS 29:1 Referans Kwoze

PRIMER LIBRO DE CR%D3NICAS 22:5

Ma David xuch'ob'o: “Ink'ojol a Salomón, ire k'amaja ujunab', i rachoch i Dios chi kyakik rajwaxik chi lik nim k-ani ni che, lik nim u'ij xaq lik chom na chwach ronojel ni'pa o chwach i jyub' ta'aj; rumali chi ronojel ni'pa i kajwaxik, kinyijb'a kan che.” Rumali chi ma David xuyijb'a kan k'iyal taq rajwaxik chuxe'el ukamik.

1 Reyes 3:7

Yet, Ajwal chi at in-Dios, a'anom chwe chi kin-at ni tzij puk'exel inqajaw, chi mam David, tupu k'a in k'ojol ala xaq nti qas inno'oj.

SEGUNDO LIBRO DE CR%D3NICAS 13:7

Xwi ta la ile, xaq xkiya kiwach jub'an achiyab' ru' ma Jeroboam chi lik je itzel laj taq winaq, chi are xetunuw ma Roboam, chi uk'ojol ma Salomón; man ire k'a ala xaq k'amaja ko uwach, rumali xtiki ti chutak'b'axik rib' chkiwach.

Proverbios 4:3

Man yin xaq xinik'aw chupam ile are in ak'al, xaq inchuch lik k'ax xinuna'o.

PRIMER LIBRO DE CR%D3NICAS 29:19

Cha'ana ni che ink'ojol a Salomón chi suk'ul uk'ux, man keje ile ku'an na pacha kub'ij atzij apixab' xaq a'atb'al tzij; man keje ile ktiki ni chu'anik awachoch chi inyijb'am chik yin wach koksax che. Xcha ma David che i Ajwal.

PRIMER LIBRO DE CR%D3NICAS 28:10

Msach chak'ux chi Ajwal at u'ulum man ka'an jun lo'laj k'ijib'al re i Dios. Rumali, ¡Lik chakowij ak'ux xaq chatzaqa uri che i chak!

PRIMER LIBRO DE CR%D3NICAS 28:8

Wo'or ut, chkiwach konojel aj Israel chi uwinaq i Ajwal, xaq chwach Iwajwal Dios, chi kojuta, chixkojon che ronojel utzij upixab' i Dios, man keje ile i chom laj tinimiti, lik iwe yix na, man chrijil chik ile kiya ni kan chke iwak'al re kuxtab'al ronojel ij saq.

PRIMER LIBRO DE CR%D3NICAS 28:1

Ma David xumol kichi' konojel i je aj-atol tzij ke aj Israel chila pa Jerusalén: I aj-atzil ke i jalajuj taq tzob'ajil, i aj-atzil ke i achiyab' chi je yij che i ch'oj chi je re i ajawinel, atz laj aj-ok'al utzam i kaj-atzil i achiyab' chi je yij che i ch'oj pa taq lajujwinaq kamo' (1,000) xaq pa taq jo'winaq (100) achiyab' chi je yij che i ch'oj, konojel i keok'aw utzam che ronojel ulew xaq i jalajuj taq uchikop i ajawinel xaq i ub'itaq ke i rak'al, i winaq chi nimaq ki'ij, konojel i kinimaqil achiyab' chi je yij che i ch'oj xaq i achiyab' chi ki'anom nimaq taq kipatan chi xaq je yij che i ch'oj.

2 Samuel 3:39

Rumali, tupu yin in ajawinel chi in ultal rumal i Dios, xwiri lik kinxij wib' chkiwach i je kamsanel laj taq winaq chi je ralab' ati Sarvia. ¡I Ajwal chuya ni utojb'alil che i ajkamsanel chrij pacha i mak atzalal chi xu'ano!

JEREMÍAS 30:18

I Ajwal kub'ij: Kin-an chik utz che utinimit ma Jacob, lik kwil ni tob'al uwach i nim laj kitinimit; ni'pa i tinimit chi wulijnaq, lik kyijb'ax chik usuk', xaq i rachoch i ajawinel lik kya' ni puk'ijib'al.

1 Reyes 1:20

Wo'or ut, Nim laj Winaq, konojel i winaq aj Israel koy-em pachin kaya kan yet pak'exel re ajawinel.

PRIMER LIBRO DE CR%D3NICAS 22:2

Chrijil chik ile, i ma David xutaq kimolik kichi' konojel aj naj chi je jeqel pa tinimit Israel, xeu'ul jub'an ajchakib' chi kepa'aw uwach i ab'aj chi koksax che i rachoch i Dios.

SEGUNDO LIBRO DE CR%D3NICAS 1:2

Are uri xeusik'ij konojel aj Israel: Je aj-atzil ke i achiyab' chi je yij che i ch'oj je uwi ujolom i tinimit xaq konojel i aj-atzil ke i jalajuj taq alk'uwalil chi o i atb'al tzij pki'ab' chila pa Israel.