PRIMER LIBRO DE CR%D3NICAS 28:1 - Wuj Pa K'ubultzij

¹ Ma David xumol kichi' konojel i je aj-atol tzij ke aj Israel chila pa Jerusalén: I aj-atzil ke i jalajuj taq tzob'ajil, i aj-atzil ke i achiyab' chi je yij che i ch'oj chi je re i ajawinel, atz laj aj-ok'al utzam i kaj-atzil i achiyab' chi je yij che i ch'oj pa taq lajujwinaq kamo' (1,000) xaq pa taq jo'winaq (100) achiyab' chi je yij che i ch'oj, konojel i keok'aw utzam che ronojel ulew xaq i jalajuj taq uchikop i ajawinel xaq i ub'itaq ke i rak'al, i winaq chi nimaq ki'ij, konojel i kinimaqil achiyab' chi je yij che i ch'oj xaq i achiyab' chi ki'anom nimaq taq kipatan chi xaq je yij che i ch'oj.

PRIMER LIBRO DE CR%D3NICAS 28:1 Referans Kwoze

PRIMER LIBRO DE CR%D3NICAS 23:2

xaq xumol kichi' konojel i kaj-atzil aj Israel, konojel i ajsujul sipon xaq aj Leví.

JOSUÉ 24:1

Mam Josué xumol kichi' konojel i je aj Israel pa taq tzob'ajil chila pa Siquem, xeusik'ij uwi ujolom i jutzob'aj re i Dios, kaj-atzil, ki'atol tzij xaq i kaj-atzil i achiyab' chi je yij che i ch'oj, konojel xeupon chwach i Dios.

JOSUÉ 23:2

are uri i mam Josué le xeusik'ij konojel i je aj Israel, uwi ujolom i jutzob'aj re i Dios, konojel kaj-atzil konojel i je atol tzij xaq konojel i kaj-atzil i achiyab' chi je yij che i ch'oj xub'ij chke: Yin lik in rij chik xaq lik k'iyal chik junab' o chwe.

PRIMER LIBRO DE CR%D3NICAS 22:17

Chrijil chik ile, ma David xeutaq konojel i kaj-atzil aj Israel chi chkito a Salomón chi uk'ojol, xub'ij chke:

PRIMER LIBRO DE CR%D3NICAS 29:6

Are uri xkiya kiqasan ru' ronojel kik'ux, ni'pa i aj-atzil ke i alk'uwalil, i aj-atzil ke i jalajuj taq tzob'ajil aj Israel, i aj-atzil ke i jutzob'aj re lajujwinaq kamo' (1,000) xaq re jo'winaq (100) achiyab' chi je yij che i ch'oj xaq i aj-atzil che i jalajuj taq chak chi taqom u'anik rumal i ajawinel.

SEGUNDO LIBRO DE CR%D3NICAS 1:2

Are uri xeusik'ij konojel aj Israel: Je aj-atzil ke i achiyab' chi je yij che i ch'oj je uwi ujolom i tinimit xaq konojel i aj-atzil ke i jalajuj taq alk'uwalil chi o i atb'al tzij pki'ab' chila pa Israel.

PRIMER LIBRO DE CR%D3NICAS 29:1

Te'uri i ajawinel ma David, xub'ij chke konojel i winaq chi kimolom kib' chila: “A Salomón, chi ink'ojol, chi xwi ire x-ul rumal i Dios, are jun ala chi k'amaja ujunab', xwiri lik nim laj chak o chuqul u'anik, man are ti u'anik jun nim laj rachoch i ajawinel, ile are u'anik i rachoch i Ajwal Dios.