PRIMER LIBRO DE CR%D3NICAS 27:1 - Wuj Pa K'ubultzij

¹ Iri are kib'i i aj-atzil ke i alk'uwalil, je aj-atzil ke i tzob'aj re lajujwinaq kamo' (1,000) xaq re jo'winaq (100) achiyab' chi je yij che i ch'oj xaq jub'an chik aj-ok'al utzam chke i achiyab' chi je yij che i ch'oj. Xki'an jalajuj taq tzob'aj re oxchiy (24,000) achiyab' chi ik' ik' o u'ijlal kichak, anb'al re kipatan chrij i ajawinel.

PRIMER LIBRO DE CR%D3NICAS 27:1 Referans Kwoze

Miqueas 5:2

Xwiri yet, Belén Efrata, at ch'utin chkixol i lemajil re Judá, chawe yet kel ni jun aj-ok'al utzam re i tinimit Israel chi kpe che jun alk'uwalxel re ujer.”

PRIMER LIBRO DE CR%D3NICAS 28:1

Ma David xumol kichi' konojel i je aj-atol tzij ke aj Israel chila pa Jerusalén: I aj-atzil ke i jalajuj taq tzob'ajil, i aj-atzil ke i achiyab' chi je yij che i ch'oj chi je re i ajawinel, atz laj aj-ok'al utzam i kaj-atzil i achiyab' chi je yij che i ch'oj pa taq lajujwinaq kamo' (1,000) xaq pa taq jo'winaq (100) achiyab' chi je yij che i ch'oj, konojel i keok'aw utzam che ronojel ulew xaq i jalajuj taq uchikop i ajawinel xaq i ub'itaq ke i rak'al, i winaq chi nimaq ki'ij, konojel i kinimaqil achiyab' chi je yij che i ch'oj xaq i achiyab' chi ki'anom nimaq taq kipatan chi xaq je yij che i ch'oj.

PRIMER LIBRO DE CR%D3NICAS 13:1

Ma David xutz'onoj uno'oj chke i atz laj taq aj-ok'al utzam i kaj atzil i achiyab' chi je yij che i ch'oj,

1 Reyes 5:14

Ike le xetaq b'i chwi jyub' Líbano pa taq tzob'ajil chi o jo'mo' juchiy (10,000) chke, jujun ik' ke'e pa chak chwi jyub' le xaq kakab' ik' kolki'ana chikachoch man oxib' tzob'aj x-ani chke i jo'lajujmo' oxchiy (30,000) achiyab' le. I aj-ok'al utzam i chak are ma Adoniram.

1 Reyes 4:27

Konojel i ajtaqon o chkiqul uya'ik uwa i ajawinel xaq konojel i rachi'il chi je o ru' chi mexa. Ile jujun ik' ke chkijujunal chrij pachike ik' yatal chkiqul.

1 Reyes 4:7

Ma Salomón xeukoj kab'lajuj ajtaqanel pkiwi konojel aj Israel; i kichak ike le are utzukuxik ronojel ni'pa i rajwaxik che i ajawinel xaq chke i ralk'uwal, chkijujunal jun ik' taq ke che jun junab' chi kkiya che i ajawinel ni'pa i rajwaxik.

1 Samuel 8:12

Jub'an chik ku'an ni chke chi keuya pa kaj-atzil i lajujwinaq kamo' (1,000) achiyab' chi je yij che i ch'oj, jub'an chik ku'an ni chke chi keuya pa kaj-atzil lajuj kawinaq (50) achiyab' chi je yij che i ch'oj. Jujun chiwe yix kixutaq ni chutukik uwach rulew xaq kimol uwach utikon; jub'an chik keutaq ni chu'anik i jalajuj taq anb'al ch'oj xaq i jalajuj taq anb'al ch'oj chi kok che i ch'ich' re b'inb'al.

Deuteronomio 1:15

Rumali yin xin-ul chkixol i jalajuj taq itzob'ajil yix, achiyab' chi lik o kinojb'al, xaq is ketiki chu'anik, xinya pki'ab' chi je aj-atzil piwi yix. O jujun xinya lajujwinaq kamo' (1,000) achiyab' chkiqul, xaq o xinya jo'winaq (100) achiyab' chkiqul, xaq o xinya lajuj kawinaq (50) achiyab' chkiqul, xaq o xinya lajuj achiyab' chkiqul, xaq o jujun chi xinya chkiqul chi kki'at tzij pkiwi i tzob'ajil.

ÉXODO 18:25

Are uri ma Moisés xeu'ul achiyab' chi lik o kino'oj chkixol konojel aj Israel, xeuya pkiwi i winaq re ki'atol tzij; jun xuya pkiwi i lajujwinaq kamo' (1,000) jun chik xuya pkiwi i jo'winaq (100), jun chik xuya pkiwi i lajuj kawinaq (50) xaq i jun chik xuya pkiwi i lajuj.

PRIMER LIBRO DE CR%D3NICAS 26:32

i rachalal ma Jerías lik ko kiwach, je jo'lajujwinaq waqmo' (2,700) aj-atzil ke i alk'uwal. I ajawinel ma David, xeu'ul chuk'amik b'e chkiwach utzob'ajil ma Rubén, utzob'ajil ma Gad xaq nik'aj chke utzob'ajil ma Manasés, anb'al jalajuj taq b'iroxik re i Dios xaq re i ajawinel.

PRIMER LIBRO DE CR%D3NICAS 27:2

I aj-atzil ke ajchajinel re i nab'e ik', are ma Jasobeam, chi uk'ojol ma Zabdiel,

PRIMER LIBRO DE CR%D3NICAS 29:6

Are uri xkiya kiqasan ru' ronojel kik'ux, ni'pa i aj-atzil ke i alk'uwalil, i aj-atzil ke i jalajuj taq tzob'ajil aj Israel, i aj-atzil ke i jutzob'aj re lajujwinaq kamo' (1,000) xaq re jo'winaq (100) achiyab' chi je yij che i ch'oj xaq i aj-atzil che i jalajuj taq chak chi taqom u'anik rumal i ajawinel.

JOSUÉ 23:1

Are lik k'iyal ij chik rik'awik i ch'oj chkixol i je aj Israel rumal i Ajwal ku' i je ajch'oj chkij xaq are lik rij chik mam Josué xaq k'iyal junab' chik o che,

2 Samuel 23:8

Iri are kib'i i achiyab' chi je yij che i ch'oj re ma David chi lik kkriq u'anik ch'oj: I nab'e are i ma Is-boset, chi aj Hacmón, ire are aj-atzil chke i je oxib' chi lik mas ko kiwach chu'anik ch'oj, o juyak xeukamsaj kamo' (800) achiyab' ru' uche' ch'ich' utzam.

PRIMER LIBRO DE CR%D3NICAS 11:10

Je are uwinaq ma David iri chi lik ko kiwach, chi xkito che i ajawinik xaqjunam ku' aj Israel chi xkiya pa ajawinel man krajawin ni pkiwi chrij pacha ub'im i Ajwal chke aj Israel.

SEGUNDO LIBRO DE CR%D3NICAS 1:2

Are uri xeusik'ij konojel aj Israel: Je aj-atzil ke i achiyab' chi je yij che i ch'oj je uwi ujolom i tinimit xaq konojel i aj-atzil ke i jalajuj taq alk'uwalil chi o i atb'al tzij pki'ab' chila pa Israel.