PRIMER LIBRO DE CR%D3NICAS 22:14 - Wuj Pa K'ubultzij

¹⁴ Chata pe', yin lik xinkoch'ij wib' chuyijb'axik kan iri yakb'al re i rachoch i Dios: Jo'mo' wajxaqchiy (66,000) tintal an-o'oj, lajujmo' kachiy kajt'ub' (660,000) tintal saq-o'oj, xaq uk'iyal taq anch'ich' xaq ch'ich' chi k-ani ti tikilem upajik ralil man lik k'i olik. Xaq inyijb'am kan i jalajuj taq che' xaq jalajuj taq ab'aj, xwiri ronojel ile k-on taj, rumali rajwaxik chi yet katz'ab'ij.

PRIMER LIBRO DE CR%D3NICAS 22:14 Referans Kwoze

PRIMER LIBRO DE CR%D3NICAS 22:3

Xwi ta la ile, xaq xuyijb'a k'iyal ch'ich' re anb'al klawux re uchija, re chapb'al uchija xaq k'iyal taq anch'ich',

2 Reyes 25:16

I nim laj pila, i keb' raqan ja xaq ukub'ib'al i ja, chi uyijb'am ma Salomón re i rachoch i Dios, x-etamax taj ni'pa taq ralil i anch'ich' le man lik k'i.

1 Reyes 10:14

Kajib' kawinaq jumo' (400) tintal an-o'oj kk'am b'i ru' ma Salomón junab' junab'.

2 Corintios 8:2

Alaj ile, man tupu je ik'awnaq chupam uk'iyal taq k'ax, lik kekikotik; tupu je nib'a', i kisipon chi kkiya'o lik nimaq pacha taq je b'eyomab'.

JEREMÍAS 52:20

Chi je are i keb' tak'taq aqan, i nim laj k'olb'al ya xaq i kab'lajuj torib' re anch'ich' chi je paqewnaq xaq ronojel ukub'ib'al chi ajawinel mam Salomón utaqom u'anik re kki'an i rachoch i Ajwal, lik x-an ti tikilem chupajik i ralil.

1 Reyes 7:47

Lik k'i i jalajuj taq chapb'al olik chi lik ch'am xaq lik re anch'ich', rumali ma Salomón xutaq ti upajik man lik k'i olik.

PRIMER LIBRO DE CR%D3NICAS 22:15

Xwi ta la ile, xaq lik je o k'iyal ajchakib' awu', je o ajchomanel ab'aj, je o ajyakol ja, je o ajanelab', xaq je o k'iyal taq achiyab' chi keta'am u'anik i jalajuj taq chak. Xaq matok il che i an-o'oj, saq-o'oj xaq i anch'ich' man lik k'i olik. Rumali chi chab'isoj ujeqik i chak, ¡I Ajwal chatuto na! Xcha ma David che uk'ojol.

NÚMEROS 7:85

I ralil i jujun ripraq taq laq le o oxib' pexu ru' nik'aj che xaq i jujun nimaq taq laq le o keb' pexu che ralil. Ronojel ni'pa i ripraq taq laq xaq i nimaq taq laq le o oxwinaq (60) pexu che ralil, chrij pacha i pajb'al re i lo'laj k'ijib'al re i Dios.

PRIMER LIBRO DE CR%D3NICAS 29:2

Yin lik inkoch'im wib' chuyijb'axik kan ronojel ni'pa rajwaxik yakb'al re i rachoch i Dios: Inyijb'am an-o'oj, saq-o'oj, anch'ich', ch'ich' xaq jalajuj taq che' chrij pacha rajwaxik. Xaq inyijb'am ab'aj chi cornalina ub'i, ab'aj chi kjarsanik, pu'um chun ru' seneb', ab'aj wiqb'al re i jalajuj taq retz'b'alil, ronojel i chomiq taq ab'aj xaq k'iyal taq ab'aj alabastro.