PRIMER LIBRO DE CR%D3NICAS 20:1 - Wuj Pa K'ubultzij

¹ Chukab' junab', chi are i ij ke'el i ajawinelab' chu'anik ch'oj, i ma Joab xeuyijb'a jub'an achiyab' chi je yij che i ch'oj, xe'e chuchupik kiwach aj Amón. Te'uri x-e chusutixik rij i tinimit Rabá, xwiri ma David o chila Jerusalén. I ma Joab xok b'i pa tinimit Rabá xaq xuwulijsaj ronojel i tinimit le.

PRIMER LIBRO DE CR%D3NICAS 20:1 Referans Kwoze

2 Samuel 11:1

Xuk'ulmaj jun ij chi are xjeqan i sa'ij, chi are ij ile chi konojel i ajawinelab', arewi ke'e chu'anik ch'oj, i ma David xutaq b'i ma Joab junam ku' i rajpatanib' xaq konojel i achiyab' aj Israel chi je yij che i ch'oj, xekikamsaj aj Amón xaq xkisutij rij i tinimit Rabá. Xwiri ma David o kan chila pa tinimit Jerusalén.

AMÓS 1:14

Rumali kinnak' ni a' che i tapial re i Rabá, i ru' i a' le kinsachsaj ni uwach i nimaq taq ja ke ajawinelab', che i ij re i ch'oj le lik kesik'inik, xaq ru' jun nim laj uch'awb'al jab' tew upam.

Deuteronomio 3:11

I ma Og le lik xwi te'eq ire kanajnaq kan chke konojel aj Refaim. Ire le lik naj rij man uch'at lik keb' xik'ab' ru' nik'aj raqan xaq jun xik'ab' ru' keb' ripaj ab'aj uwach i uch'at le lik ch'ich'. I ch'at le k'a o chila pa tinimit Rabá chi kitinimit aj Amón.

Ezequiel 25:5

Kin-an ni che i jyub' Rabá chi kik'ijib'al taq kamey, i tinimit Amón che jun ta'aj re kiwayb'al chij. Are uri kiwetamaj ni yix chi Yin in Ajwal.

Ezequiel 21:20

Cha'ana jun b'e, ipa kik'aw wi i ajawinel ru' uch'ich' chi k'ulala o uware. I tinimit are iri: Rabá chi je aj Amón xaq i tinimit Jerusalén, chi sutim rij ru' tapial nim uwach re i Judá.

ISAÍAS 54:16

Chawila pe', yin innojim u'anik ajch'ayol ch'ich' chi kuwaluj i a' pa a'al xaq ku'an ch'ojb'al chi jalajuj taq uchak, xaq yin innojim u'anik i winaq sachsanel wachij re kuk'is uwach ronojel.

ISAÍAS 6:11

Yin xintz'onoj che: Ajwal, ¿Ni'pa ij kuch'ij ile? Ire xub'ij chwe: “K'a kewulij ni i tinimit xaq mijun chik winaq kkanajik, k'a kekanaj ni ja chi nti chik winaq chupam, xaq i ulew k'a k-on ni pacha jun tz'inilik jyub' chaqij.

2 Reyes 13:20

I ma Eliseo xkamik, are uri xkimuqu. Lik junab' junab' k'iyal taq tzob'aj ili'omab' aj Moab, ke'ok pa tinimit Israel,

1 Reyes 20:26

Jun junab' rik'awik ile, i ma Ben-adad xeumol kichi' aj Siria, xeuyijb'a che i ch'oj, te'uri xe'e pa Afec, man kkijeq ch'oj chkij aj Israel.

1 Reyes 20:22

Chrijil chik ile xupon i profeta chwach i ajawinel ke aj Israel, xub'ij che: —Jat cheayijb'a xaq chaya mas kicho'ab' konojel awinaq chi je yij che i ch'oj xaq lik utz uch'ob'ik cha'ana che wach i ka'ano, man i ajawinel aj Siria pa jun junab' kk'un chik chu'anik ch'oj chawij.

2 Samuel 17:27

i ma David are xupon chila pa Mahanaim, x-e ma Sobi, chi uk'ojol ma Nahas, chuk'ulaxik, chi aj chila Rabá, ukwenta i tinimit Amón; xaq x-e ma Maquir, chi uk'ojol ma Amiel, aj pa Lodebar, xaq x-e ma Barzilai, chi aj pa Rogelim, ukwenta i tinimit Galaad.

PRIMER LIBRO DE CR%D3NICAS 19:19

I ni'pa kiya'om kiwach ru' ma Hadad-ezer, are xkilo chi aj Israel xech'akanik, are uri konojel xkichomaj kib' ku' aj Israel xaq xekanaj kan pki'ab' ike. Lik che i ij le konojel aj Siria xkixij kib' xaq xekito ti chik aj Amón.