PRIMER LIBRO DE CR%D3NICAS 19:9 - Wuj Pa K'ubultzij

⁹ I aj Amón lik je yij chik che i ch'oj, xeupon k'a chila pa okb'al re i tinimit. Ni'pa i ajawinel chi je petnaq ku' xekanaj kan pa taq es.

PRIMER LIBRO DE CR%D3NICAS 19:9 Referans Kwoze

Joel 2:5

i uch'awb'al i kaqan are kesak'lin chwi taq jyub' lik keje pacha uch'awb'al i ch'ich' re ch'oj, keje pacha upach'ach'ik uxaq es chaqij are ktijin uk'atik pa a'. Je keje pacha jutzob'aj achiyab' chi je yij che i ch'oj chi lik o kicho'ab' i lik je o pa cholaj re kkijeq ch'oj.

JEREMÍAS 50:42

Lik kiwiqom li kib' ru' i k'aqb'al ch'ab' xaq ru' i che' chi ch'ich' utzam; lik je k'an, lik nti k'axnab'al kik'ux, i kich'ab'al lik keje pacha i rojojik re i mar, xaq lik je annaq rij taq kaway. Lik je yijil chu'anik i ch'oj chrij i tinimit Babilonia.

ISAÍAS 28:6

Kuya ni suk'ul laj atb'al tzij chke aj-atol tzij ipa kki'at wi i tzij, xaq kuya ni ukowil kiwach i achiyab' chi je yij che i ch'oj chi kkichajij i tinimit.

SEGUNDO LIBRO DE CR%D3NICAS 14:10

Are uri ma Asa xepe junam ku' uwinaq chi je yij che i ch'oj, xkitak'b'a kib' chu'anik ch'oj ru' ma Zera chila chwa ta'aj re Sefata chi lik naqaj che i Maresa.

SEGUNDO LIBRO DE CR%D3NICAS 13:3

Ma Abiam xujeq i ch'oj ru' lajujchiy kat'ub' (400,000) achiyab' chi je yij che i ch'oj chi lik je ultalik. Xaq ma Jeroboam xujeq ch'oj chrij ma Abiam le ru' jo't'ub' (800,000) achiyab' chi je yij che i ch'oj chi xaq lik je ultalik.

1 Reyes 20:24

Are rajwaxik chi ka'an yet, Nim laj Winaq, are iri: Cheawesaj i ajawinelab' che kik'ijib'al, cheakojo i ajpatanib' pkik'exel,

1 Reyes 20:1

Ma Ben-adad, chi ajawinel re i tinimit Siria, xumol kichi' konojel achiyab' chi je yij che i ch'oj xaq xumol kichi' kab'lajuj juwinaq (32) ajawinelab' chi kiya'om kiwach ru', junam ru' kikaway xaq kich'ich' re anb'al ch'oj; xe'e chusutixik rij i tinimit Samaria xaq xu'an ch'oj chkij.

2 Samuel 18:4

I ajawinel ma David xub'ij chke: —Kin-an na chrij pacha kumaj iwach yix. Are uri lik xel la pkib'e achiyab', xk'iji la putzal i okb'al, tz'aqat i achiyab' chi je yij che i ch'oj xe'el b'i pa taq tzob'ajil, o tzob'aj je jo'winaq (100) xaq o tzob'aj je lajujwinaq kamo' (1,000).

2 Samuel 10:8

Konojel aj Amón xkiyijb'a b'i kib' chu'anik ch'oj, xe'el pa tinimit, xe'e k'a pa taq elb'al re i tinimit le, tz'aqat i achiyab' chi je yij chik che i ch'oj aj Siria, aj Soba, aj Rehob, aj Is-tob, xaq aj Maaca xkuwaj kib' pa taq es.

1 Samuel 17:2

I ma Saúl xaq aj Israel xkimol kib' xaq xek'iji chila che uwa ta'aj Ela, chuyijb'axik kib' chu'anik ch'oj chkij aj Filistea.

PRIMER LIBRO DE CR%D3NICAS 19:8

Xwiri ma David xretamaj ile, rumali xutaq b'i ma Joab junam ku' konojel achiyab' chi je yij che i ch'oj.

PRIMER LIBRO DE CR%D3NICAS 19:10

I ma Joab, are xrilo chi je o ajch'oj chrij chwach, are uri xeu'ul i achiyab' aj Israel chi lik ko kiwach che i ch'oj xaq xkiyijb'a kib' chu'anik ch'oj chkij aj Siria.