PRIMER LIBRO DE CR%D3NICAS 18:4 - Wuj Pa K'ubultzij

⁴ Are uri ma David xumaj lajujwinaq kamo' (1,000) ch'ich' re anb'al ch'oj che ma Hadad-ezer, xaq xeuchap b'i lajujwinaq wuqlajujmo' (7,000) achiyab' chi je yij che i ch'oj ajrij taq kaway, xaq lajujmo' kachiy (20,000) achiyab' chi je yij che i ch'oj chi keb'in chaqan. Xwi ta la ile, xaq xu'osij kaqan i kaway chi kejek'aw b'i ch'ich', xwiri xu'osij ti kaqan i jub'an chi keajwax chujek'ik jo'winaq (100) ch'ich'.

PRIMER LIBRO DE CR%D3NICAS 18:4 Referans Kwoze

2 Samuel 8:4

I ma David xeuchap b'i jo'winaq kajmo' (1,700) achiyab' chi je yij che i ch'oj ajrij taq kaway, xaq xuchap b'i lajujmo' kachiy (20,000) achiyab' chi je yij che i ch'oj chi keb'in chaqan. Xwi ta la ile, xaq xu'oqij kaqan konojel i kaway chi kejek'aw i ch'ich' re ch'oj, xwi xeuya kan i kaway chi kejek'aw i jo'winaq (100) ch'ich'.

Salmos 20:7

Ike le kkiya kik'ux che kich'ich' re i ch'oj, xaq i jub'an chik kkiya kik'ux che kikaway; xwiri yoj kqaya qak'ux che i Qajwal Dios.

1 Reyes 10:26

Ma Salomón xumol uchi' ronojel i ch'ich' re anb'al ch'oj xaq konojel i winaq ajrij taq kaway. Lajujwinaq oxmo' (1,400) ch'ich' re anb'al ch'oj o ru', xaq lajujmo' juchiy (12,000) winaq ajrij taq kaway. Te'uri xeuk'am b'i chila ipa o wi kik'ijib'al ch'ich' re anb'al ch'oj, xaq ku' ajchajal re i ajawinel chila pa Jerusalén.

1 Reyes 4:2

I aj-atol tzij chi xeuya pa taq atzil, je are iri: Ma Azarías, chi uk'ojol ma Sadoc, chi ajsujul sipon.

JOSUÉ 11:9

Ma Josué xu'ano pacha xtaqi che rumal i Ajwal: Xu'osij kaqan i kaway xaq xunak' a' che i ch'ich' re kib'inb'al.

JOSUÉ 11:6

Xwiri i Ajwal xub'ij che ma Josué: “Maxij awib' chke man chweq keje taq or iri konojel ike le je kamnaq chik, keinjach pi'ab'; ka'osij ni kaqan i kikaway xaq kanak' ni a' che i kich'ich' re kib'inb'al chi xaq re i ch'oj.”

Deuteronomio 17:16

Xwiri i ajawinel le kutzukuj ti k'i ukaway, xaq keutaq tu b'i i winaq pa Egipto re k-on taq k'i kikaway, man i Ajwal ub'im chik chiwe chi lik kixtzalij ti chik che i b'e le.

GÉNESIS 49:6

¡Rumali kwaj taj kink'iji iwu' pa k'ijib'al re i molb'al ib'! Man are mi'naq iwoywal xeikamsaj winaq, xaq xi'an ch'aqa taq chke i kaqan i torib' pacha xiwaj u'anik chke.

PRIMER LIBRO DE CR%D3NICAS 18:3

I ma David xaq xuch'ak ma Hadad-ezer, chi ajawinel re i tinimit Soba, chi o pusuk' i tinimit Hamat, are enam re chumajik i ulew chi o chi raqana Éufrates.

PRIMER LIBRO DE CR%D3NICAS 18:5

Are uri xeupon aj Siria, chi ukwenta i tinimit Damasco, chuto'ik ma Hadad-ezer, chi ajawinel re i tinimit Soba, xwiri ma David xeuch'ak aj Siria man xeukamsaj jo'lajujmo' kachiy (22,000) achiyab' chke.