PRIMER LIBRO DE CR%D3NICAS 18:13 - Wuj Pa K'ubultzij

¹³ Te'uri ma David xukoj chajal pa tinimit Edom, are uri konojel aj Edom xekanaj kan pu'ab' ma David. I Ajwal kuya i ch'akanik che ma David xaipa k-e wi.

PRIMER LIBRO DE CR%D3NICAS 18:13 Referans Kwoze

PRIMER LIBRO DE CR%D3NICAS 18:6

Te'uri ma David xukoj chajal pa tinimit Siria chi ukwenta Damasco, are uri aj Siria xekanaj kan pu'ab' ma David xaq xe'ok chutojik i alkawal che. Keje uri ile chi Ajwal kuya i ch'akanik che ma David xaipa k-e wi.

GÉNESIS 27:37

I mam Isaac xub'ij che: —¿Wach chik kinya chawe yet wo'or wak'al? Man ronojel utzil chomal chi awe yet te'eq inya'om chik che acha', inya'om chik che chi krajawin ni pawi, xaq konojel i rachalal je umokom na, xaq inya'om chik i b'eyomal pu'ab' re i trigo xaq i uva.

2 Corintios 11:32

Yin ujer, are in o pa tinimit Damasco, i aj-ok'al utzam tinimit le, chi raqan u'ab' i ajawinel mam Aretas, xraj ire kinutz'apij prexil. Xukoj chajal pa taq okb'al b'ik pa tinimit chapb'al we, kkib'ij ike.

Salmos 144:10

Yet, chi kaya i ch'akanik chke i ajawinelab', Yet, chi xaq xawesaj awajpatan ma David chwach i kamik. Chinawesaj chwach i ch'ich' chi o uware k'ulala. Chinawesaj pki'ab' i winaq chi weta'am ti kiwach, xaq ni'pa i ke t'oronik, xaq ni'pa kkiyak ki'ab' wiqab'im chikaj chub'ixkil i tzij chwij chi qatzij taj.

Salmos 121:7

I Ajwal, katuchajij che ronojel i jalajuj taq utz taj; Ire kuchajij ak'aslemal.

2 Samuel 23:14

I ma David o chila pa pek chi adulam ub'i chi lik sutim rij ru' tapial nim uwach, tz'aqat i achiyab' chi je yij che i ch'oj aj Filistea je o chila pa tinimit Belén.

1 Samuel 14:1

Xuk'ulmaj jun ij, ma Jonatán chi uk'ojol ma Saúl, xub'ij che i tol re: —Jo', choj-ax ch'aqa ya, chqa'ana ch'oj ku' aj Filistea chi je o chila. Xwiri ma Jonatán le lik xub'ij ti che uqajaw.

1 Samuel 13:3

Ma Jonatán xuwulijsaj i k'ijib'al ipa je o wi i achiyab' chi je yij che i ch'oj chi ke aj Filistea chi o te chila pa Gabaa; ile xketamaj aj Filistea. Are uri ma Saúl xutaq uxut'ixik i trompet pa ronojel jalajuj taq tinimit ke aj Hebreo yab'al utzijol chke.

1 Samuel 10:5

Chrijil chik ile, katupon ni che jun k'ijib'al chi Gabaa ub'i chi re i Dios, chila o jub'an achiyab' je yij che i ch'oj aj Filistea. Are katok b'i pa tinimit keak'ulaj jutzob'aj achiyab' chi profeta chi pacha taq sachnaq kinojb'al, ike le je petnaq che i lo'laj k'ijib'al re i Dios. Je nab'e jub'an winaq chkiwach chi ketijin chuyinik jalajuj taq son: O re i arpa, chilchil, su' xaq i salterio.

NÚMEROS 24:18

Ktiki ni chuk'amik i tinimit Edom xaq lik kuk'am i tinimit Seir, chi are ajch'oj chrij. I tinimit Israel le lik kuk'ut ni ucho'ab'.

GÉNESIS 27:40

Rumal ach'ich' chi k'ulala o uware katk'asi na, xaq at ajchak na chrij acha'; xwiri are kkowir awach xaq are o chik acho'ab' kawesaj ni awib' uri pu'ab'.”

GÉNESIS 27:29

Chki'ana ni kipatan i winaq chawij, xaq chexuki ni chawach. Cha'ata ni tzij puwi atinimit, xaq i jub'an chik tinimit chki'aja ni kib' chawach. Ni'pa i katkik'oqoj kkeqaj ni k'oq, xaq ni'pa i kkitz'onoj utzil chomal pawi, kya' ni utzil chomal pkiwi.”

GÉNESIS 25:23

I Ajwal xula' uwach che ati Rebeca: “I keb' awak'al chi je o chapam, ke'eloq keb' tinimit chi su' chupam li apam kkijach wi li kiwach. Jun tinimit lik mas o ucho'ab' chwach i jun chik, i atz, lik ajchak na chrij i cha'xel.” Xcha i Dios.

1 Reyes 11:15

I etz mam David are xeuch'ak aj Edom, ma Joab, chi aj-atzil chke i achiyab' chi je yij che i ch'oj, chi xeukamsaj kan konojel achiyab' aj Edom are x-e chkimuqik aj Israel chi xekamik,

PRIMER LIBRO DE CR%D3NICAS 18:12

Xwi ta la ile, xaq ma Abisai, chi ralab' ati Sarvia, xeuch'ak jo'mo' kachiy (18,000) aj Edom chila chwa “Ta'aj chi Atz'am” ub'i.

PRIMER LIBRO DE CR%D3NICAS 18:14

Ma David xrajawin puwi ronojel i tinimit Israel, i u'atb'al tzij lik suk'ulik pacha kmajawik.

1 Samuel 18:14

I Ajwal lik kuto a David rumali ronojel ni'pa i ku'ano lik kel utz ru'.